Yakovlev Yak-3
Die Yakovlev Yak-3 was 'n vegvliegtuig wat deur Rusland ontwikkel en gebruik is tydens die Tweede Wêreldoorlog. Die vliegtuig was aanvanklik bekend as die Ya-26 vegvliegtuig en die romp was meestal van hout. Die prototipe het die eerste keer in Maart 1939 gevlieg. Die Ya-26 was ontwerp na aanleiding van 'n Russiese spesifikasie. Toe produksie begin het die die model as I-26 bekend gestaan maar was later verander na Yak-1. Produksie het beswaarlik begin toe Duitsland vir Rusland binnegeval het in Junie 1941.
| Yakovlev Yak-3 | |
|---|---|
 | |
| Tipe | Vegvliegtuig |
| Vervaardiger | Yakovlev |
| Nooiensvlug | 12 April 1941 |
| Bekendstelling | 1944 |
| Onttrek | 1952 |
| Status | Onttrek |
| Hoofgebruiker | Russiese Lugmag |
| Vervaardig | 4,848 |
Die vliegtuig was ontwerp om so eenvoudig as moontlik vervaardig te kan word, tog was dit besonder rats en vinnig vir sy tyd. Dit het die gaping toegemaak wat daar was tussen die Duitse en Russiese vliegtuie en kon in 'n sekere mate meeding met die Messerschmitt Bf 109. Daar was 8,721 eenhede van die Yak-1 vervaardig.
Rusland het egter met ontwikkeling van die Yak-1 aangegaan en die Yak-3 is ontwikkel. Dit het die eerste keer in 1943 gevlieg en gou bewys dat dit oor uitstekende vermoë beskik het. Dit het uitstekend vertoon in luggevegte en kon nog beter klim. Die Yak-3 is in Julie 1943 in diens gestel en die Luftwaffe het gou geweet dat hulle 'n probleem het. Op 14 Julie 1944 het 'n mag van 18 Yak-3's met 30 Duitse vliegtuie slaags geraak. Die Russiese mag het 15 Duitse vliegtuie afgeskiet en slegs een vliegtuig verloor. Later was 'n meer kragtiger motor geïnstalleer, die VK-17 van 1,700 perdekrag, wat die Yak-3 toegelaat het om 'n topsnelheid van 720 km/h te bereik.
Tegniese besonderhede wysig
| Item | Statistiek |
|---|---|
| Aantal motors | 1 |
| Tipe motor | Skroef |
| Vervaardiger | Klimov VK-105PF-2 inlynmotor |
| Kraglewering per motor | 1,300 perdekrag |
| Vlerkspan | 9,2 m |
| Lengte | 8,49 m |
| Hoogte | 2,42 m |
| Vlerkoppervlakte | 14,83 m2 |
| Maksimum opstygmassa | 2 660 kg |
| Maksimum snelheid | 655 km/h |
| Operasionele hoogte | 10 700 m |
| Togafstand | 900 km |
| Klimvermoë | 1,300 m per minuut |
| Bewapening | Een 20 mm kanon in die neus en twee 12.7 mm masjiengewere |
Sien ook wysig
Bron wysig
- Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9