Doorndraaidam
Die Doorndraaidam is ‘n dam in die Sterkrivier in die Limpopoprovinsie.
Die dam is by 24° 16′ 45″ suid en 28° 46′ 1″ oos, in ‘n sytak van die Mogalakwenarivier en in die Doorndraai-natuurreservaat. Dit is direk wes van die Nyl-tolhek op die N1-nasionale pad, suidoos van Mokopane en in ‘n kloof aan die oostekant van die Hangklip- en Waterberge.
Die dam is in 1954 voltooi en in 1974 opgeknap en die wal van 236 m in lengte en 28 m in hoogte is van die tipe bekend as bolkop-stutmuur, ‘n ontwerp wat selde in Suid-Afrika gebruik word. Dit het ‘n opvanggebied van 595 km², ‘n kapasiteit van 46 miljoen m³ en vorm dan ‘n meer met ‘n oppervlakte van 560 ha.
Aanvanklik was die doel om water aan ‘n staatsbesproeiingsnedersetting te verskaf. Nou gaan die water met kanale na die omliggende dorpe en nywerhede. Die meer word ook as ontspanningsterrein gebruik.
Lees ook wysig
Biblografie wysig
- carpsa.co.za
- Lantern. Tydskrif vir Volksopvoeding. Jaargang 6, nr. 3, Januarie 1957