Milada

Na gisteraand (20 April 2005) se Wikipedia byeenkoms in Pretoria, het ek besluit om my woorde om te skakel na dade. Ek was verstom oor die passievolle manier oor hoe daar oor Wikipedia gesels kon word!

My doelwitte wat ek hier wil bereik: 1. Ek wil kan hê dat my kinders hulle skoolprojekte in Afrikaans moet kan navors. Ek wil hulle die gewoonte aanleer om ELKE skoolprojek wat hulle moet doen, ook op Wikipedia te plaas. Dink net hoe baie inskrywings ons in Afrikaans kan kry as daar 'n hele klompie kinders is wat dit doen. So - as daar artikels verskyn in my gebruikersnaam waar die taal en spelling nie perfek is nie, wees asseblief so gaaf en maak die foute reg.

2. Ek voel mense moet eers die konsep van 'n wiki verstaan. My ondervinding is dat mense nog baie ongeletterd is in daai opsig. Ek is betrokke by rekenaaropleiding en sal van nou af doelbewus dit in my kursusmateriaal en webblad bekend stel. My ideaal is dat daar van my studente sal wees wat sommer weekliks 'n artikel kan plaas - veral ook in tale soos Zoeloe en Sotho.

3. Ek sal graag Wikipedia onder skole wil bemark, en sal begin hier in Secunda. Wie weet - dalk word Secunda nog die dorp met die grootste aantal bydraes.

4. Ek wil natuurlik ook artikels plaas en sal onderwerpe kies waarin ek as 'n vrou sal belangstel. Maar ek besef dit vat nogal heelwat tyd om 'n artikel te skryf en af te handel. So aan almal wat al in Afrikaans bydraes gelewer het - baie geluk en baie sterkte! Hou asseblief aan.