Oostelike bottelneus
Die Oostelike bottelneus (Mormyrus longirostris) is 'n varswatervis wat voorkom die middel en onderste gedeeltes van die Zambezirivier, Buzi-, Pungwe- en onderste dele van die Saveriviere. Die vis kom ook in die Ruvuma- en Rifijiriviere in Tanzanië, Kongorivier en die Malawimeer en Tanganjikameer voor. In Engels staan die vis bekend as Eastern bottlenose.
| Oostelike bottelneus | |
|---|---|
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Subfamilie: | |
| Genus: | |
| Spesie: | M. longirostris
|
| Binomiale naam | |
| Mormyrus longirostris Peters, 1852
| |
Voorkoms wysig
Die vis lyk baie soos die Westelike bottelneus, maar het 'n dieper lyf, die kop en snoet is meer geboë, die snoet is langer en die skubbe is kleiner. Die wyfies is kleiner en het 'n nog dieper lyf as die mannetjies. Die vis is olyfkleurig of bruin aan die bokant en ligter aan die onderkant. Die vis word tot 75 cm lank. Zimbabwe se hengelrekord is 9,973 kg en Malawi se rekord is 2 kg.
Habitat wysig
Die vis verkies stil, diep water met 'n sagte modderige bodem en leef in skole saam. Hulle vreet ongewerweldes, veral inseklarwes en slakke. Hulle is naglewend. Die vis broei in die somer gedurende die reënseisoen. Hulle beweeg stroomop in riviere nadat die watervlak gedaal het. Die wyfie dra 10 000 - 70 000 eiers op 'n keer.
Sien ook wysig
Bron wysig
- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1