Shareen Blair Brysac

Shareen Blair Brysac is 'n skrywer van nie-fiksie boeke en 'n voormalige danser, televisieproduseerder en televisieskrywer.

Shareen Blair Brysac
Nasionaliteit	Verenigde State
Alma mater	Universiteit van Noord-Carolina by Chapel Hill Universiteit van Oslo
Beroep	Skrywer
Eggenoot	Karl E. Meyer

Biografie

Brysac was in Denver, Colorado gebore en het gegradueer van Barnard College, Columbia-universiteit. Terwyl sy by Barnard was, het sy die Juilliard Skool bygewoon en gedans as 'n lid van die Jose Limon en Merce Cunningham Geselskappe. Na haar graduasie het sy ook saam met die Paul Taylor Dansgeselskap in Europa verskyn en saam met die New York Stadsopera balletgeselskap opgetree.

In 1974 het sy vir CBS News netwerk as 'n produseerder/regisseur van dokumentêre programme begin werk. Haar dokumentêre programme, 1968, American Dream, American Nightmare, The Cowboy, the Craftsman, and the Ballerina, en Juilliard and Beyond: A Life in Music, Once in Lifetime het vyf Emmy-toekennings, 'n DuPont Citation, 'n George Foster Peabody-toekenning, 'n Skrywersgilde-toekenning, medaljes van die New York Filmfees en Chicago filmfees en 'n spesiale uitnodiging tot die Edinburgh-filmfees gewen.

Van 1985 tot 1987 was sy aanvanklik 'n Programbestuurder vir CUNY TV, die kabel-televisie stasie vir die Stadsuniversiteit van New York, gevolglik was sy 'n lid van die Mediafakulteit van die Borough of Manhattan Community College. In 1989 het sy die Kampus Programmeringsdiens gestig en bestuur wat ontwerp was om buitelandse programme na universitere televisiestasies te bring, en waarvoor sy 'n Rockefeller Toegif gegee is.

Brysac was 'n lid van die Amerikaanse Gilde van Musikale Kunstenaars, die Regisseurs-gilde van Amerika, die Skrywers-gilde, die Onderwysers-vakbond, en Women in Film. Sy is tans 'n lid van die Outeurs-gilde.

Skryfwerk

In 1999 was sy saam met haar man, Karl E. Meyer, die mede-redakteur van Tournament of Shadows: the Great Game and the Race for Empire in Central Asia. Dit was gekies as 'n Noemenswaardige Boek van die Jaar deur die The New York Times en was 'n finalis vir die Lionel Belber-prys vir "die wêreld se beste nie-fiksie boek in Engels wat poog om openbare debat te verdiep betreffende wesenlike globale kwessies." Dit was in 2006 deur Basic Books her-publiseer, en voorsien van 'n nuwe inleiding

Haar biografie, Resisting Hitler: Mildred Harnack and the Red Orchestra was 'n finalis vir die Los Angeles Times Biografie Boek van die Jaar en die Duitse weergawe van die boek wat uitgegee is deur Scherz Verlag was gekies as een van die beste boeke van die jaar deur Duitse resensente.

Kingmakers: the Invention of the Modern Middle East het in 2008 verskyn. Dit is saam met haar man geskryf, en is deur The Washington Post gekies as een van die beste boeke van die jaar. Uittreksels daarvan het in Harper's Magazine en die Wêreld Beleidsjoernaal verskyn. Haar uitgebreide hoofstuk oor Gertrude Bell was gekies om in Ultimate Adventures with Britannia te verskyn.

Meyer en Brysac se boek getiteld Pax Ethnica: Where and Why Diversity Succeeds het ondersteuning van die Gould-, Carnegie-, en Pulitzer stigtingsontvang. Dit was 'n finalis vir die Dayton Vredesprys.

The China Collectors: America's Century-Long Hunt for Asian Art Treasures (2014) is as een van die Washington Post se Beste Boeke van die Jaar verkies.

Brysac was ook 'n bydraende redakteur tot Archaeology (tydskrif) en 'n gereelde bydraer tot Military History Quarterly. Haar artikels het ook verskyn in die The New York Times, The Herald Tribune, The Washington Post , die Wêreld Beleidsjoernaal en The Nation.

Sy was in 2012 'n Senior Assosiaat Lid van St. Antony's College, Oxford.

Films

• A Conversation with Eric Sevareid, CBS, 1977.
• 1968, CBS, 1978.
• American Dream, American Nightmare, CBS, 1979.
• Pablo Picasso: Once in a Lifetime with the Museum of Modern Art, CBS, 1981.
• The Cowboy, the Craftsman and the Ballerina, CBS, 1981.
• Juilliard: a Life in Music, CBS, 1982

Bibliografie

• 1999: Meyer, Karl E. en Shareen Blair Brysac. Tournament of Shadows: The Great Game and the Race for Empire in Central Asia. Washington, D.C.: Counterpoint (uitgewer)
• 2000: Brysac, Shareen Blair. Resisting Hitler: Mildred Harnack and the Red Orchestra. New York: Oxford University Press
• 2007: Meyer, Karl E. and Shareen Blair Brysac. Kingmakers: the Invention of the Modern Middle East. New York: Norton
• 2012: Karl E. Meyer en Shareen Blair Brysac. Pax Ethnica: Where and How Diversity Succeeds. New York: PublicAffairs
• 2014: Meyer, Karl E. en Shareen Blair Brysac. The China Collectors: America's Century Long Hunt for Asian Art Treasures. New York: Palgrave Macmillan

Eksterne skakels

• Amptelike webwerf
• Biographies, The Irish Times, Feb 10, 2000.