Wickiana

Die Wickiana deur Johann Jakob Wick van Zürich (1522–1588) is 'n versameling populêre enkel-vel drukstukke wat tussen 1560 en 1587 in 24 volumes versamel is. Dit is 'n belangrike bron van inligting oor die Reformasie tydperk in Switserland.

Drie hekse word in Baden verbrand (1585).

Wick het in Switserland geleef tydens die heersappy van Heinrich Bullinger, die nakomeling van Huldrych Zwingli. Hy het in Tübingen Teologie bestudeer, en was die pastoor van Witikon, by die stadshospitaal, en die Predigerkirche. Daarna was hy kanunnik en tweede aartsdeken by die Grossmünster kerk.

Wick se dokumente is na sy dood in 1588 in die Grossmünster kloosterbiblioteek versamel. Hulle is in 1836 na die Zentralbibliothek Zürich geskuif. Die oorspronklike versameling is in 1925 tussen die biblioteek se manuskrip en vroeë drukstuk afdelings opgedeel. Die drukstukversameling bevat 429 drukstukke uit die oorspronklike Grossmünster versameling (PAS II 1 – 24) plus tien items wat later bygevoeg is (PAS II 25). Die manuskrip gedeelte het die biblioteekindekse Ms F 12–35. Die versameling is in 1997–2005 gedeeltelik in 'n faksimilee uitgawe met kommentaar uitgegee.

Voorbeelde

• 
  Sprinkaan
• 
  Die monnik Bastian Hegner val en sterf in Rapperswil: November 12, 1561
• 
  'n Kind in Maschwanden is deur 'n vark aangeval, en sterf.
• 
  In Geneva word twee monnike gegesel omdat hulle gekroek het.
• 
  Groot komeet van 1577, Praag, November 12, 1577

Verwysings

• M. Senn, Die Wickiana. Johann Jakob Wicks Nachrichtensammlung aus dem 16. Jahrhundert, Zürich 1975.
• Franz Matthias Mauelshagen, Wunderkammer auf Papier. Die Wickiana zwischen Reformation und Volksglaube, Diss. Univ. Zürich, Zürich 2008.
• Wolfgang Harms, Michael Schilling (eds.), Die Wickiana. Die Sammlung der Zentralbibliothek Zürich, Tübingen 1997–2005.

Eksterne skakels

• (de) Zentralbibliothek Zürich