AE du Toit Auditorium & Anneks UP

Die AE du Toit Ouditorium is in 1956 op die Hatfieldkampus van die Universiteit van Pretoria opgerig en bestaan uit twee groot lesingsale. Dit is ontwerp deur prof AL Meiring, die destydse hoof van die Department Argitektuur en Bouwetenskappe. Die gebou is sonder vensters ontwerp om geraas te verminder omdat dit aan die besige Universiteitsweg grens. Die gebou is in Junie 1957 ingewy en is vernoem na prof AE du Toit, die eerste professor in wiskunde en voormalige rektor van die universiteit.

Daar is 'n grys reliëf teen ’n rooi mosaïekagtergrond aan die suidelike muur. Hierdie kunswerk, wat deur die kunstenaar Zoltan Borberéki ontwerp is, is deur prof Meiring aan die Universiteit geskenk. Die groot waaiervormige sale kan sowat 700 studente akkommodeer, terwyl die kleiner sale plek vir ongeveer 250 studente het.