Aandenk-boorgat
Die ‘’’Aandenk-boorgat’’’ was die eerste prospekteerboorgat in die Vrystaat en het direk aanleiding gegee tot die ontdekking van die gebied se goudvelde.
Net suid van Allanridge het Archibald Megson in 1904 'n aanduiding van goud op die plaas Aandenk gevind en 'n boorgat gesink. Hy kon toe egter geen belangstelling en finansiële steun vind om met ontginning te begin nie. 'n Dertig jaar later stig hy met Fritz Marx en Ephraim Woolff as vennote die maatskappy Wits Extensions Ltd., maar hulle vind nie winsgewende hoeveelhede erts nie. Kort daarna gebruik dr. Alex du Toit en dr. Hans Merensky die modernste prospekteermetodes en mynboutegnologie beskikbaar en kry in November 1938 op die naburige plase St. Helena en Uitsig 'n ryk goudrif. Die Anglo-American Corporation of South Africa Ltd. het in 1945 die Aandenk-gat 'n 120 m dieper laat boor en kry toe wel winsgewende neerslae.
Die monument by die Aandenkgat is in die vorm van 'n sleutelgat om die ontsluiting van die Vrystaatse goudvelde te simboliseer. Dit is in 1960 tot gedenkwaardigheid verklaar.
Bibliografie
wysig- Oberholster, J.J.: Die Historiese Monumente van Suid-Afrika. Kaapstad: Kultuurstigting Rembrandt van Rijn vir die Raad vir Nasionale Gedenkwaardighede. 1972. ISBN 0-620-00191-7