Achilleïde
(Aangestuur vanaf Achilleid)
Die Achilleïed is ’n onvoltooide werk deur Publius Papinius Statius oor die Griekse mitologie wat in 1 127 daktiliese heksameters geskryf is. Dit bestaan uit een boek en ’n deel van ’n tweede, en gaan oor die vroeë lewe van die Griekse vegter Achilles.
Volgens die voorwoord sou die werk sy hele lewe dek, van geboorte tot met sy dood, onder andere die hele Trojaanse Oorlog, maar die bestaande werk eindig net nadat hy opgeroep is om vir die Grieke te veg. Dit dek veral sy tyd saam met Chiron die sentour en saam met sy moeder, Tetis.
