Adils
Adils, Aðils of Eadgils was in die Noorse sagas 'n legendariese koning van Swede se Huis van Yngling. Hy het glo in die 6de eeu gelewe.[1][2][3]
Volgens Beowulf en Oudnoorse bronne was hy die seun van Ohthere (Ottar) en het hy tot die Huis van Yngling (of Scylfing) behoort. Drie bronne behandel ook sy oorlog teen sy oom Onela, wat hy met buitelandse hulp gewen het: in Beowulf met die hulp van die Gaute en in Skáldskaparmál en Skjöldunga saga met Deense hulp. Die Skandinawiese bronne behandel egter hoofsaaklik sy interaksies met die legendariese Deense koning Hrólfr Kraki (Hroðulf), en Adil word meestal in 'n negatiewe lig uitgebeeld as 'n ryk en gierige koning. Volgens Snorri Sturluson, wat baie van die Skandinawiese tradisies gedokumenteer het, het die Swede hom 'n "goeie koning" genoem.
In Ynglingatal, moontlik uit die 9de eeu,[4] word gesê Aðils is die opvolger van Óttarr (Ottar) en die voorganger van Eystein. Die stansa oor Aðils verwys ook na sy dood toe hy per ongeluk van sy perd afgeval het.[5][6]
Verwysings
wysig- ↑ Birger Nerman. Det svenska rikets uppkomst (1925) (in Sweeds).
- ↑ Elisabeth Klingmark's Gamla Uppsala, Svenska kulturminnen 59, Riksantikvarieämbetet (in Sweeds)
- ↑ this English language presentation by the Swedish National Heritage Board Geargiveer 24 Augustus 2007 op Wayback Machine
- ↑ Hägerdal, Hans: Ynglingatal. Nya perspektiv på en kanske gammal text
- ↑ The Ynglinga saga in Old Norse
- ↑ Laing se vertaling
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
| Voorganger ← Ottar |
Sweedse koning | Opvolger Eystein → |