African Content Movement
Die African Content Movement (ACM) is 'n Suid-Afrikaanse politieke party wat in Desember 2018 gestig is deur die voormalige SABC-waarnemende hoofbedryfsbeampte, Hlaudi Motsoeneng.[2][3]
| African Content Movement | |
| ACM | |
| Leier | Hlaudi Motsoeneng |
|---|---|
| Gestig | 13 Desember 2018[1] |
| Webblad | acmovement |
Motsoeneng het by die party-bekendstelling aangevoer dat indien hy president word, die land self in 90% van sy behoeftes sal voorsien, dat die ekonomie in die hande van die mense sal wees, dat maatskappywerknemers aandeelhouers sal word, dat buitelandse maatskappye gedwing sal word om die land te verlaat en dat maatskaplike toelaes verminder sal word.[2][3]
Die party het tans twee setels in Gauteng se munisipaliteite nadat plaaslike raadslede van die Randfontein People’s Party by die ACM aangesluit het.[4]
In Maart 2019 het Motsoeneng die voormalige president, Jacob Zuma, aangemoedig om by die ACM aan te sluit. Hy het gesê dat hulle dieselfde sienings oor transformasie deel.[5]
Die party het aan die Suid-Afrikaanse algemene verkiesing van 2019 deelgeneem met Motsoeneng, saam met aktrise en voormalige Idols-beoordeelaar Marah Louw onderskeidelik in eerste en tweede plek op die party se nasionale lys. Die party het geen setels gewen nie.
Die party het aan die algemene verkiesing van 2024 deelgeneem en slegs 0,03% van die stemme gekry. Die party kon nie enige setels wen nie.
Verkiesingsresultate
wysigNasionale verkiesings
wysig| Verkiesing | Stemme | % | Setels |
|---|---|---|---|
| 2019[6] | 4 842 | 0,03 | 0 |
| 2024 | 5 107 | 0,03 | 0 |
Verwysings
wysig- ↑ "Hlaudi Motsoeneng launches African Content Movement party". BusinessLIVE (in Engels). Geargiveer vanaf die oorspronklike op 20 April 2019. Besoek op 5 April 2019.
- ↑ 2,0 2,1 Umraw, Amal (13 Desember 2018). "Big dreams: Hlaudi Motsoeneng visualises himself walking into Union Buildings as president". Times Live (in Engels). Geargiveer vanaf die oorspronklike op 11 Julie 2019. Besoek op 30 Desember 2018.
- ↑ 3,0 3,1 Sekhotho, Katleho (13 Desember 2018). "'We are going to eat change' - Motsoeneng Launches ACM". EWN Eyewitness News (in Engels). Geargiveer vanaf die oorspronklike op 20 April 2019. Besoek op 30 Desember 2018.
- ↑ Davis, Rebecca. "2019 ELECTIONS: The crib-sheet to the political parties contesting the 2019 polls, Part One". Daily Maverick (in Engels). Geargiveer vanaf die oorspronklike op 17 Mei 2020. Besoek op 5 April 2019.
- ↑ Kajee, Ahmed. "Motsoeneng wants Zuma to join the ACM". ewn.co.za (in Engels). Geargiveer vanaf die oorspronklike op 30 Maart 2019. Besoek op 5 April 2019.
- ↑ "NPEDashboard" (in Engels). Geargiveer vanaf die oorspronklike op 19 Januarie 2020. Besoek op 11 Mei 2019.
| Hierdie artikel is in sy geheel of gedeeltelik vanuit die Engelse Wikipedia vertaal. |
