Afrikaners Landgenote
Afrikaners Landgenote of Afrikaners Landgenoten (Afrikaanse uitspraak: afriˈkɑːnərs ˈlant.χənuətə) is 'n Afrikaner volkslied. Dit is gebaseer op die deuntjie van "Deutschland, Deutschland über alles" en is losweg gebaseer op die lied. [1][2] Dit is geskryf deur Nico Hofmeyr en was bedoel as 'n alternatiewe Afrikaanstalige nasionale volkslied vir Suid-Afrika naas God Save the King voordat Die Stem van Suid-Afrika aangeneem is. [3]
Geskiedenis
wysigNa die totstandkoming van die Unie van Suid-Afrika het Afrikaners beswaar gemaak dat "God Save the King" die enigste amptelike volkslied van Suid-Afrika sou wees. [1] Hulle wou egter nie die ou liedere van die voormalige Boererepublieke herinstel nie. [2] Gevolglik het die Genootskap van Regte Afrikaners 'n kompetisie gehou om 'n Afrikaanstalige volkslied te skep. Afrikaners Landgenote is voorgestel vir die kompetisie, en hoewel 'n ander lied getiteld Waar Tafelberg begin aanvanklike steun geniet het, het die genootskap besluit om Afrikaners Landgenote voor te stel as die Afrikaanse volkslied naas God Save the King. [1] Alhoewel hierdie veldtog uiteindelik misluk het aangesien "Die Stem van Suid-Afrika" in 1938 as die nasionale volkslied gekies is, het "Afrikaners Langenoten" gewild geword as 'n nie-amptelike volkslied. [2]
Die lied het populêr gebly as 'n Afrikaanse volkslied en is gesing voor die staatspresident van Suid-Afrika, F. W. de Klerk, die amptelike einde van apartheid in die Parlement van Suid-Afrika aangekondig het. [4]
Analise
wysigDie eerste vers se fokus is op die feit dat Afrikaners lojaal is aan Suid-Afrika en die Afrikaanse taal. Die tweede vers bevestig die lojaliteit teenoor die Afrikaanse taal as deel van die Afrikanerkultuur. [2] Die laaste vers is soortgelyk aan die huidige Duitse Deutschlandlied-lied, met 'n oproep vir "eenheid, vryheid en geregtigheid" in Suid-Afrika. [2]
Verwysings
wysig- ↑ 1,0 1,1 1,2 "Z-Afrika zingt zowel het Nkosi als Die Stem" (in Nederlands). Digibron. 19 Julie 1996. Besoek op 22 April 2019.
- ↑ 2,0 2,1 2,2 2,3 2,4 . "Figurative Semiotics: A textual analysis of FAK songs". Jstor.
- ↑ "P.C. Schoonees, Die prosa van die tweede Afrikaanse beweging · dbnl" (in Nederlands). Dbnl. Besoek op 22 April 2019.
- ↑ de Vos, Dirk (2015). Cobblestones: A Personal and Political Journey. FriesenPress. p. 96. ISBN 978-1460277492.