Afriqiyah Lugdiens Vlug 771
| Afriqiyah Lugdiens Vlug 771 | |
|---|---|
| Datum: | 12 Mei 2010 |
| Oorsaak: | Ruimtelike disoriëntasie en verkeerd-uitgevoerde landing. |
| Plek van ramp: | Tripoli Internasionale Lughawe |
| Sterftes: | 103 |
| Beserings: | 1 |
| Vliegtuig Tipe: | Airbus A330-200 |
| Vliegtuig Stertnommer: | 5A-ONG |
| Oorsprong: | O.R. Tambo Internasionale Lughawe, Johannesburg, Suid-Afrika |
| Bestemming: | Tripoli Internasionale Lughawe, Tripoli, Libië |
| Passasiers: | 93 |
| Bemanning: | 11 |
| Oorlewendes: | 1 |
Afriqiyah Lugdiens Vlug 771 was 'n geskeduleerde internasionale vlug wat op 12 Mei 2010 om 06:10 plaaslike tyd neergestort het terwyl dit die aanloopbaan van die Tripoli Internasionale Lughawe genader het. Die enigste oorlewende is 'n 9-jarige Nederlandse seun, Ruben van Assouw.[1] 103 mense het egter hul lewe in die ramp verloor.
Die vliegtuig
wysig
Die vliegtuig was 'n Airbus A330-200 met registrasie 5A-ONG. Afriqiyah Lugdiens het die vliegtuig in September 2009 bekom en het ten tyde van die ongeluk ongeveer 1 600 vlugure en 420 vlugte gehad. Die vliegtuig het van General Electric CF6-80E1-enjins gebruik gemaak. Die vliegtuig is ontwerp om 253 passasiers te vervoer. Op die dag van die ongeluk was daar 93 passasiers en 11 bemanningslede aan boord waarvan die meeste afkomstig was van Nederland, Libië en Suid-Afrika.
Vlug
wysig
Die vlug se oorsprong was by die O.R. Tambo Internasionale Lughawe en was geskeduleer om by sy finale bestemming, Tripoli Internasionale Lughawe te land. Die vliegtuig het egter ongeveer 900 meter kort van aanloopbaan 09 neergestort. Geen brand is na nie ongeluk aangemeld nie. Daar is oorspronklik gerapporteer dat die ongeluk slegs een meter kort van die aanloopbaan plaasgevind het. Die METAR wat die dag in gebruik was, was HLLT 120350Z VRB01KT 6000 NSC 19/17 Q1008[A]. Sekuriteitsbeamptes het gemeld dat die vliegtuig ontplof het voordat dit gedisintegreer het. Die Libiese Minister van Vervoer het terrorisme as oorsaak van die ongeluk uitgesluit.
Dit was die eerste ongeluk waarby Afriqiyah Lugdiens betrokke was sedert hul ontstaan in April 2001.
Ondersoek
wysigDie Libiese Burgerlugvaartowerheid het 'n amptelike ondersoek na die ongeluk gelas. Airbus het gemeld dat hy volle tegniese ondersteuning aan die owerhede sal bied wat die ongeluk ondersoek. Die Suid-Afrikaanse Burgerlugvaartowerheid het ook 'n span gestuur om te help met die ondersoek. Die Franse Bureau d'Enquêtes et d'Analyses pour la Sécurité de l'Aviation Civile (BEA) het ook hul hulp aangebied en het 'n span van twee ondersoekers na die toneel ontbied.
Die vlugopnemers is gevind en deeglik ontleed.
Reaksie
wysig
Afriqiyah Lugdiens het 'n verklaring uitgereik wat gemeld het dat die naasbestaandes van die slagoffers, wat Libië wil besoek, se vervoer en verblyfkostes deur die lugdiens gedek sal word. Die Libiese owerhede het gemeld dat sekere paspoortbeperkings opgehef sal word en verseker dat visums uitgereik sal word.[2]
Koningin Beatrix van Nederland het haar skok uitgespreek toe sy die nuus hoor.[3]
President Jacob Zuma het ook sy meegevoel betoon tydens 'n Suid-Afrikaanse parlementsitting.[4]
Passasiers en bemanningslede
wysigDie lugredery het 'n lys van die nasionaliteite van die slagoffers uitgereik. Al elf bemanningslede was Libiërs gewees. Verskeie passasiers het ook dubbele burgerskap gehou.
| Nasionaliteit | Oorlede | Oorlewendes | Totaal | |
|---|---|---|---|---|
| Passasiers | Bemanningslede | |||
 Nederland
|
67 | – | 1 | 68 |
 Libië
|
2 | 11 | – | 12 |
 Suid-Afrika
|
13 | – | – | 13* |
 België
|
4 | – | – | 4 |
 Oostenryk
|
2 | – | – | 2 |
.svg){kind=small} Verenigde Koninkryk
|
1 | – | – | 1 |
 Frankryk
|
1 | – | – | 1 |
 Filippyne
|
1 | – | – | 1 |
 Duitsland
|
1 | – | – | 1 |
 Zimbabwe
|
1 | – | – | 1 |
| Totaal | 92 | 11 | 1 | 103 |
* 1 Suid-Afrikaanse paspoorthouer, Bree O'Mara het Suid-Afrikaanse sowel as Ierse burgerskap gehad.[5]
Mohamed Zidan, die Libiese Minister van Vervoer het gerapporteer dat die enigste oorlewende van die ramp 'n seun van Nederland is. Die seun is later as die negejarige Ruben van Assouw geïdentifiseer. Hy is woonagtig in die stad Tilburg en het so pas saam met sy familie teruggekeer van 'n safari in Suid-Afrika. Sy ouers en broer was ook op die vlug. Hulle het die seun in sy sitplek gevind, steeds vasgegordel, ongeveer 400 meter van die plek waar die vliegtuig geval het. Toe hulle die seun vind, was hy heeltemal naak.[6] Sy pa was die eienaar van UnIT Services in die Eindhoven-area. Van Assouw is na die Sabia'a-hospitaal, 30 kilometer suidoos van Tripoli, geneem en is later na die Al-Khadhra-hospitaal in Tripoli oorgeplaas, waar hy 'n operasie ondergaan het vir sy veelvuldige frakture aan beide bene. Die segspersoon van Nederland se Departement van Buitelandse Sake, Ad Meijer, het gemeld dat die kind geen lewensbedreigende beserings opgedoen het nie. Saif al-Islam Muammar Al-Gaddafi en Kaptein Sabri Shadi, die hoof van Afriqiyah Lugdiens, het Van Assouw in die hospitaal besoek. Op 15 Mei is hy per lugambulans na Eindhoven in Nederland vervoer. Sy oom en tante het hom vergesel.
Van die passasiers sou 42 verder vertrek het na Düsseldorf, 32 na Brussel, sewe na Londen, en een na Parys. Elf passasiers se finale bestemming was Libië.
Onder die slagoffers was Frans Dreyer, broer van Anchen Dreyer wat 'n parlementslid is en sy vriend en kollega, Anton Matthee. Een van die Nederlandse slagoffers was Joëlle van Noppen, sanger van die voormalige Nederlandse groep WOW!
Die vlugdeklede is geïdentifiseer as kaptein Yousef Bashir Al-Saadi (Arabies: يوسف بشير الساعدي), mede-vlieënier Tareq Mousa Abu Al-Chaouachi (Arabies: طارق موسي أبو الشواشي), en mede-vlieënier Nazim Al-Mabruk Al-Tarhuni (Arabies: ناظم المبروك الترهوني).
Nota
wysig'n ^ Vertaling: METAR vir Tripoli Internasionale Lughawe, uitgereik om 03:50 UTC op 12 Mei 2010. Windrigting veranderlik met 'n spoed van 1 knoop (1,9 km/h), sigbaarheid 6 000 meter (3,7 myl), geen beduidende wolkbedekking, temperatuur 19 °C, doupunt 17°C, altimeterinstelling van 1008 hPa.
Verwysings
wysig- ↑ "Overlevende vliegramp is Tilburgs jongetje". Brabants Dagblad (in Nederlands). Geargiveer vanaf die oorspronklike op 16 Mei 2010. Besoek op 14 Mei 2010.
- ↑ (en) "Afriqiyah Flight 771 crash release 3 11:00 UTC". Afriqiyah Airways. Geargiveer vanaf die oorspronklike op 24 Augustus 2010. Besoek op 25 Augustus 2010.
{{cite web}}: CS1 maint: bot: original URL status unknown (link) - ↑ "61 Nederlanders dood bij vliegtuigcrash Libië" (in Nederlands). NRC Handelsblad. Geargiveer vanaf die oorspronklike op 15 Mei 2010. Besoek op 25 Mei 2010.
- ↑ (en) "Plane crash in Libya 'kills more than 100 on board'". BBC News. 12 Mei 2010. Besoek op 12 Mei 2010.
- ↑ "103 dead in Libyan plane crash" (in Engels). RTÉ News and Current Affairs. 12 Mei 2010. Geargiveer vanaf die oorspronklike op 7 Desember 2012. Besoek op 17 Mei 2010.
- ↑ (nl) http://www.nu.nl/vliegramp-tripoli/2247004/ruben-wordt-uitstekend-verzorgd.html
Eksterne skakels
wysig- Libyan Civil Aviation Authority
- Dutch Safety Board (Onderzoeksraad Voor Veiligheid)
- (en) Flight Afriqiyah Airways 771 Johannesburg - Tripoli – Afriqiyah Airways (Argief)
- (en) "Airplane crash in Tripoli." Ministry of Foreign Affairs of the Netherlands
- (en) "Afriqiyah Airways A330 Crash." South African Civil Aviation Authority (Archive)
- (en) "Flight 8U 771 on 12 May 2010 - A 330 – 200, registered 5A-ONG." Bureau d'Enquêtes et d'Analyses pour la Sécurité de l'Aviation Civile (Archive)
| Hierdie artikel is in sy geheel of gedeeltelik vanuit die Engelse Wikipedia vertaal. |
