Ajna of agya[1] (Sanskrit: आज्ञा, ājñā), ook genoem die derde-oog-chakra, is die sesde primêre chakra in die liggaam volgens Hindoeïsme.[2][3] Dit is ’n deel van die brein wat sterker gemaak kan word deur meditasie, joga en ander spirituele oefening,[4][5] nes ’n spier.

’n Ajna-mandala.

In die Hindoetradisie beteken dit die onderbewussyn, die direkte skakel met die brahman. Terwyl ’n mens se twee die fisieke wêreld sien, onthul die derde oog ’n insig in die toekoms. Daar word geglo die "derde-oog-chakra" verbind ’n mens met sy intuïsie en gee hom die vermoë om met die wêreld te kommunikeer, of dit help hom om boodskappe uit die verlede en toekoms te ontvang.[6][7]

Ligging en voorkomsWysig

Die ajna is in die middel van die voorkop, tussen die wenkbroue, geleë. Dit is nie deel van die fisieke liggaam nie, maar van die lewenskragstelsel. Die ligging is ’n heilige plek waar Hindoes ’n tilaka of bindi van sandelhout of vermiljoen aanwend.

Die ajna word beskryf as ’n deurskynende lotusblom met twee blare. Die letter "ham" (हं), wat Shiva verteenwoordig, kom op die linkerblaar voor en die letter "ksham" (क्षं), wat Shakti verteenwoordig, op die regterblaar.[8] In die middel is die lettergreep om, wat beskou word as die basiese en magtigste klank van die wêreld wat alle ander klanke omvat.[9]

VerwysingsWysig

  1. Ritu Shukla (8 April 2019). "Chaitra Navratri 2019: The do's and don'ts". Times of India. Besoek op 2020-07-31.
  2. "The Ancient Powerful Practices of Hindu Meditation". The Way of Meditation (in Engels). 2015-05-05. Geargiveer vanaf die oorspronklike op 2018-09-22. Besoek op 2017-03-31.
  3. "Third Eye - A Thorough Explanation". Token Rock (in Engels). Besoek op 2017-03-31.
  4. "Chakra Meditation For Deep Healing And Balancing". WellBeingAlignment. Besoek op 2017-03-31.
  5. Kilham, Christopher S. "Chakra Meditation to Increase Your Energy Flow". www.innerself.com (in Engels). Besoek op 2017-03-31.
  6. "Ajna Chakra - The Third Eye Chakra - Sanskriti - Indian Culture". Sanskriti - Indian Culture (in Engels). 2014-01-13. Besoek op 2017-03-31.
  7. "The Third Eye in Hinduism & Buddhism -". www.lotussculpture.com (in Engels). Besoek op 2017-03-31.
  8. "Sixth Chakra Third Eye Chakra Ajna Chakra". My Chakras. 2008-05-27. Besoek op 2016-05-04.
  9. "What Does Om Mean". www.sacredfunk.com. Geargiveer vanaf die oorspronklike op 2016-04-26. Besoek op 2016-04-27.

SkakelsWysig