Akira Kurosawa

Japannese regisseur

Akira Kurosawa (Japannees: 黒澤 明, 23 Maart 1910 – 6 September 1998) was ’n Japannese rolprentregisseur, -vervaardiger en -draaiboekskrywer. Hy word beskou as een van die belangrikste en invloedrykste rolprentmakers in die geskiedenis van die rolprentwese; hy het 30 rolprente geregisseer in sy loopbaan van 57 jaar.

Akira Kurosawa
黒澤 明
'n Beeld van die betrokke persoonlikheid.
Akira Kurosawa in 1953 op die stel van Seven Samurai.

Geboorte (1910-03-23)23 Maart 1910
Tokio, Japan
Sterfte 6 September 1998 (op 88)
Tokio, Japan
Beroep(e) Rolprentregisseur, -vervaardiger en
-draaiboekskrywer
Aktiewe jare 1936–1993
Internet-rolprentdatabasis-profiel

Loopbaan wysig

Kurosawa het in 1936 in die rolprentbedryf betrokke geraak ná ’n kort loopbaan as skilder. Nadat hy jare lank as mede-regisseur en draaiboekskrywer gewerk het, het hy sy debuut as regisseur in 1943 tydens die Tweede Wêreldoorlog gemaak met die gewilde aksieprent Sanshiro Sugata (ook bekend as Judo Saga). Ná die oorlog het Drunken Angel (1948) hom ’n gerekende regisseur in Japan gemaak. Een van die hoofspelers was die toe onbekende akteur Toshiro Mifune. Die twee mans het later nog 15 prente saam gemaak. Sy vrou, Yōko Yaguchi, het ook in een van sy prente gespeel.

Rashomon, waarvan die première in Augustus 1950 in Tokio was, weer met Mifune in, het op 10 September 1951 in ’n verrassende wending die Goue Leeu op die Venesiese Rolprentfees gewen en is daarna in Europa en Noord-Amerika uitgereik. Die sukses van die prent het gemaak dat die Weste vir die eerste keer kennis geneem het van Japannese rolprente, en dit het weer gelei tot die erkenning van ander Japannese rolprentmakers. Regdeur die 1950's en vroeë 1960's het Kurosawa sowat een prent per jaar geregisseer, onder meer ’n paar wat goed ontvang is soos Ikiru (1952), Seven Samurai (1954) en Yojimbo (1961). Ná die middel 1960's het hy baie minder produktief geraak, maar sy latere werk het sy laaste twee epiese prente ingesluit: Kagemusha (1980) en Ran (1985). Hy het nog pryse gewen, onder meer die Palme d'Or vir Kagemusha – meer dikwels oorsee as in Japan.

In 1990 het hy die Oscar ontvang vir sy lewensbydrae tot die rolprentbedryf.[1][2]

Hy is ná sy dood deur die tydskrif AsianWeek en CNN aangewys as "Asiër van die Eeu" in die kategorie Kuns, Letterkunde en Kultuur. Hy is genoem "een van die (vyf) mense wat in die afgelope 100 jaar die meeste bygedra het tot die verbetering van Asië".[3]

Filmografie wysig

Van Kurosawa se werk sluit in:

As regisseur wysig

Jaar Engelse titel Japannees Transliterasie
1943 Sanshiro Sugata (Judo Saga) 姿三四郎 Soegata Sansjiro
1944 The Most Beautiful 一番美しく Itsjiban oetsoekoesjikoe
1945 Sanshiro Sugata Part II (Judo Saga 2) 續姿三四郎 Zokoe Soegata Sansjiro
The Men Who Tread on the Tiger's Tail 虎の尾を踏む男達 Tora no o wo foemoe otokotatsji
1946 No Regrets for Our Youth わが青春に悔なし Waga seisjoen ni koeinasji
1947 One Wonderful Sunday 素晴らしき日曜日 Soebarasjiki nitsjijobi
1948 Drunken Angel 酔いどれ天使 Joidore tensji
1949 The Quiet Duel 静かなる決闘 Sjizoekanaroe ketto
Stray Dog 野良犬 Nora inoe
1950 Scandal 醜聞 Soekjandaroe (Sjoeboen)
Rashomon 羅生門 Rasjomon
1951 The Idiot 白痴 Hakoetsji
1952 Ikiru (To Live) 生きる Ikiroe
1954 Seven Samurai 七人の侍 Sjitsjinin no samoerai
1955 I Live in Fear (Record of a Living Being) 生きものの記録 Ikimono no kirokoe
1957 Throne of Blood (Spider Web Castle) 蜘蛛巣城 Koemonosoe-jo
The Lower Depths どん底 Donzoko
1958 The Hidden Fortress 隠し砦の三悪人 Kakoesji toride no san akoenin
1960 The Bad Sleep Well 悪い奴ほどよく眠る Waroei jatsoe hodo jokoe nemoeroe
1961 Yojimbo (The Bodyguard) 用心棒 Jodjinbo
1962 Sanjurō 椿三十郎 Tsoebaki Sandjoero
1963 High and Low (Heaven and Hell) 天国と地獄 Tengokoe to djigokoe
1965 Red Beard 赤ひげ Akahige
1970 Dodesukaden どですかでん Dodesoekaden
1975 Dersu Uzala デルス・ウザーラ Deroesoe Oezara
1980 Kagemusha (The Shadow Warrior) 影武者 Kagemoesja
1985 Ran Ran
1990 Dreams (Akira Kurosawa's Dreams) Joeme
1991 Rhapsody in August 八月の狂詩曲 Hatsjigatsoe no rapoesodi (Hatsjigatsoe no kjosjikjokoe)
1993 Madadayo (Not Yet) まあだだよ Madadajo

As vervaardiger wysig

Vir die volgende prente wat Kurosawa geregisseer het, het hy ook kresiet as vervaardiger ontvang:

  • Stray Dog (assistent-vervaardiger)
  • Throne of Blood (mede-vervaardiger)
  • The Lower Depths (vervaardiger)
  • The Hidden Fortress (mede-vervaardiger)
  • The Bad Sleep Well (mede-vervaardiger)
  • Yojimbo (mede-vervaardiger)
  • Sanjuro (mede-vervaardiger)
  • High and Low (mede-vervaardiger)
  • Red Beard (mede-vervaardiger)
  • Dodesukaden (uitvoerende vervaardiger en vervaardiger)
  • Kagemusha (vervaardiger)

Verwysings wysig

  1. "Academy Award Acceptance Speech Database". Geargiveer vanaf die oorspronklike op 17 Februarie 2010. Besoek op 13 Junie 2010.{{cite web}}: CS1 maint: bot: original URL status unknown (link)
  2. "Akira Kurosawa Tribute with George Lucas, Steven Spielberg" (in Engels). 19 November 2008. Geargiveer vanaf die oorspronklike op 7 Maart 2016. Besoek op 28 Junie 2010.
  3. "ASIANOW – Asiaweek – Asian of the Century – Kurosawa Akira – 12/10/99". Geargiveer vanaf die oorspronklike op 3 Junie 2013. Besoek op 18 Junie 2010.

Eksterne skakels wysig