Albena
Albena (Bulgaars: Албена) is die derde belangrikste toeristesentrum aan die Bulgaarse Swartseekus ná Sonstrand (Slǎnčev brag) en Goue Sande (Zlatni pjasǎci). Die dorp is sowat 30 kilometer noord van die hawestad Warna geleë.
Albena is 'n beplande strandoord wat as Bulgarye se mees ambisieuse toerisme-projek uit die sosialistiese tydperk in die laat 1960's en vroeë 1970's ontstaan het. Die dorpsnaam is 'n Bulgaarse meisiesnaam en ontleen aan 'n sprokieskarakter uit 'n boek van die skrywer Jordan Jovkov.