Albert de Wet
Albert de Wet is 'n Afrikaanse rock-sanger en liedjieskrywer. Hy maak sy debuut as sanger in 2005 waar hy in die RSGroentjie-kategorie van die Geraas-musiektoekennings tot finalis deurdring. Sy debuutalbum, Dagboek Van 'n Dromer word in 2006 op 19-jarige ouderdom vrygestel.[1]
Albert de Wet | |
|---|---|
| Gebore | 14 Oktober 1986 Pretoria |
| Genres | Rock |
| Beroep(e) | Sanger, liedjieskrywer |
| Jare aktief | 2005 - nou |
| Etikette | STING MUSIEK |
De Wet is in 2006 genomineer as 'n finalis in die "World song vision contest" en is ook genomineer vir die beste Afrikaans Rock-album tydens die 2007-SAMA toekennings. Hy het ook nominasies tydens Huisgenoot se Tempo-toekennings, die MK89-toekennings en die Vonk-toekennings ontvang. In 2007 stel hy sy tweede album, "3 Jaar" vry, en ook die album word genomineer vir 'n SAMA-toekenning as beste rock-album. Met die liedjie "Wat het gebeur by Aliwal-Noord?" verower hy in 2009 die VONK-toekenning vir Liedjie van die Jaar.
In Julie 2010 stel de Wet sy derde album vry: "Die vensters na my siel", sowel as 'n album met al sy Engelse liedjies genaamd "Highway to your heart". In 2011 word die album "Die vensters na my siel" genomineer vir 'n SAMA-toekenning in die kategorie Beste Afrikaanse Volwasse Kontemporere Album.
In Junie 2012 stel hy sy vyfde album, "Bang vir die Donker" vry. Hierdie album word benoem vir die 2013-Ghoema-musiekprys vir beste kontemporêre album deur 'n manlike kunstenaar.
Diskografie
wysig- Live By Die Barnyard Teater DVD, STING MUSIEK
- Drie Jaar, 2008 STING MUSIEK
- Dagboek Van 'n Dromer DVD, 2006 STING MUSIEK
- Dagboek Van 'n Dromer, 2006 STING MUSIEK
- Die vensters na my siel, 2010 STING MUSIEK
- Highway to your heart, 2010 STING MUSIEK
- Bang vir die Donker, 2012, STING MUSIEK
Verwysings
wysig- ↑ Albert se "3 jaar" rock romanties en digterlik, Beeld, 29 Julie 2008.
Sien ook
wysigVerdere naleeswerk
wysig- Musiek slaan Albert de Wet vir 'n ses[dooie skakel], Beeld, 24 Junie 2008.
- Musiek borrel by dié nuweling uit, Beeld, 29 Mei 2008.
- Albert de Wet is bakgat!, Beeld, 15 Mei 2008.
- Jong sanger gee almal hoendervleis[dooie skakel], Beeld, 16 November 2005.
- Belowende jonges benoem vir die eerste RSGroentjie[dooie skakel], Beeld, 3 Mei 2005.