Aleksei Leonof
Alexei Arkhipowitsj Leonof (Russies: Алексе́й Архи́пович Лео́нов, [ɐlʲɪˈksʲej ɐˈrxʲipəvʲɪtɕ lʲɪˈonəf]) (30 Mei 1934 – 11 Oktober 2019) was 'n voormalige Russiese ruimtevaarder en afgetrede generaal-majoor in die Russiese Lugmag. Leonof was die eerste mens in die geskiedenis wat 'n ruimtewandeling uitgevoer het. Die wandeling het op 18 Maart 1965 plaasgevind, toe hy die Voskhod 2-ruimtekapsule vir 12 minute verlaat het.
Aleksei Leonof | |
|---|---|
 Alexey Leonof in April 1974 | |
| Gebore | Alexei Arkhipowitsj Leonof 30 Mei 1934 Listvjanka, Kemerowo-oblast, Sowjetunie |
| Sterf | 11 Oktober 2019 (op 85) |
| Nasionaliteit |  Sowjetunie Rusland |
| Beroep | ruimtevaarder |
| Bekend vir | eerste mens wat 'n ruimtewandeling uitgevoer het |
| Ouer(s) | Arkhip (vader) |
| Handtekening | |
 | |
Beknopte biografie wysig
Leonof is in 1934 in Listvjanka in die Kemerowo-oblast in Rusland gebore. Hy was een van twintig lugmagvlieëniers wat in 1960 vir die eerste groep ruimtevaarders gekies is. Leonof se eerste vlug, waartydens hy 'n ruimtewandeling vanuit die Vostok 11 sou uitvoer, is egter gekanselleer.
Op 18 Maart 1965 word Leonof aan boord van die Voskhod 2, die tweede en laaste bemande vlug van die Woschod-ruimteprogram, gelanseer. Tydens die vlug voer hy die geskiedkundige eerste wandeling in die ruimte uit.
In 1968 is Leonof gekies vir 'n vlug om die maan in 'n Sojoes-ruimtetuig. Alle onbemande toetsvlugte misluk egter en die Verenigde State wen die wedloop om eerste om die maan te vlieg. Die Sowjetunie gee die stryd gewonne en skrap al sy bemande vlugte na die maan.
Leonof se tweede en laatste ruimtevlug was aan boort van die Sojoes 19 as deel van die Apollo-Sojoes-toetsprojek. Die vlug is op 15 Julie 1975 gelanseer en is in die ruimte aan die Amerikaanse Apollo-kapsule gekonnekteer. Dit was die eerste koppeling wat tussen ruimtetuie van verskillende nasies bewerkstellig is.
Leonof het in 1991 afgetree. Hy is getroud met Svetlana Petrovna en het twee dogters, Vika en Oksana.
Eksterne skakels wysig
Wikimedia Commons het meer media in die kategorie Aleksei Leonof.- Video van Leonof se ruimtewandeling Geargiveer 3 Maart 2016 op Wayback Machine
