Wikipedia

Alfabetmoorde

Die Alfabetmoorde (ook bekend as die Dubbelvoorlettermoorde) is ’n onopgeloste reeks kindermoorde tussen 1971 en 1973 in Rochester, New York.[1]

Alfabetmoorde
Land  VSA
Misdaad  Verkragting, verwurging
Misdaadbesonderhede
Plek New York
Datum(s)  16 November 1971 –
26 November 1973
Slagoffers  3

Al die slagoffers van die Alfabetmoorde was meisies van 10 en 11 jaar oud wie se voornaam met dieselfde letter as haar van begin het. Hulle is almal seksueel aangerand en verwurg[2] voordat hulle liggaam in of naby ’n dorp gelos is wat met dieselfde voorletter as hulle voornaam en van begin het.[3][4][5]

Die ondersoekers het meer as 800 verdagtes ondervra, maar die moorde is nooit opgelos nie.

Moorde

wysig

Carmen Colón

wysig

Op 16 November 1971 om 16:20 het die 10-jarige Puerto Ricaaanse meisie Carmen Colón in Rochester, New York, verdwyn op pad terug huis toe ná ’n besoek aan die plaaslike apteek. Volgens getuies het Colón die apteek waarheen haar ouma haar gestuur het, verlaat toe sy hoor die voorskrif wat sy moes gaan haal, is nog nie gereed nie. Sy het aan die eienaar, Jack Corbin, gesê: "Ek moet gaan. Ek moet gaan." Sy is toe gesien waar sy in ’n motor klim wat daarnaby geparkeer was.[6] Colón se ma het haar om 19:50 as vermis aangegee.[7]

Sowat 50 minute nadat Colón die apteek verlaat het, het talle motoriste op Interstate 490 die kind met ’n kaal onderlyf aan die teenoorgestelde kant van die pad sien hardloop terwyl ’n voertuig, glo ’n donker Ford Pinto-luikrug, agteruitry agter haar aan.[8] Die meisie het haar arms wild geswaai en geskree in ’n poging om motors te laat stilhou.[9] Minstens een motoris het gesien hoe sy deur haar ontvoerder na die voertuig teruggelei word.[10] In die spitsverkeer het niemand stilgehou om haar te help nie[11] en dit het later groot openbare woede ontlok.[12]

Haar lyk is twee dae later naby Interstate 490 gevind, buite die dorp Churchville. In ’n lykskouing is bevind sy is verkrag, het ’n beenbreuk in haar skedel gehad en is daarna met die hand verwurg. Daar was ook talle krapmerke aan haar lyf.[13]

Wanda Walkowicz

wysig

Sewentien maande later, op 2 April 1973 kort ná 17:00, het die 11-jarige Wanda Walkowicz uit die oostelike deel van Rochester verdwyn terwyl sy op pad huis toe was. Volgens die eienaar van die delikatesse waar Walkowicz was, is sy daarheen gestuur om kruideniersware te koop. Om 17:15 het sy begin terugloop huis toe. Haar ma het haar om 20:00 as vermis aangegee.[14]

Die polisie het onmiddellik ’n soektog gelas. Die omgewing om die winkel en die plekke waar sy graag gespeel het, is deursoek. Niks is egter gevind nie,[15] hoewel ’n paar inwoners van die buurt Walkowicz gesien het terwyl sy sukkel om die inkopiesak te dra. Terwyl sy die sak teen ’n heining gedruk het om haar greep te verander, het ’n bruin voertuig verby haar gery.[16]

Walkowicz se liggaam, ten volle geklee, is die volgende dag om 10:15 deur ’n polisieman gevind[17] aan die voet van ’n heuwel aan State Route 104 in Webster, sowat 10 km van Rochester af.[18] Die posisie van haar liggaam het daarop gedui dat sy waarskynlik uit ’n bewegende voertuig gegooi is en haar liggaam teen die heuwel afgerol het.[19]

In ’n lykskouing is bevind sy is verkrag en toe met ’n voorwerp soos ’n gordel van agter af verwurg. Verskeie verdedigingswonde het gewys Walkowicz het teen haar moordenaar geveg.[20] Haar klere is weer aangetrek nadat sy vermoor is.[21] In die lykskouing is spore van semen en pubiese hare aan die liggaam gevind.[22] Verder is verskeie wit kathare aan haar klere gevind, hoewel die Walkowicz-gesin nie ’n wit troeteldier gehad het nie.[23]

Nadat ’n beloning uitgereik is vir inligting wat tot die inhegtenisneming en veroordeling van die moordenaar kon lei,[24] het ’n ooggetuie vertel hy het Walkowicz aan die passasierskant van ’n groot bruin voertuig sien staan terwyl sy met die bestuurder gesels. Die ooggetuie kon nie die bestuurder duidelik sien nie,[25] maar die voertuig was baie naby Walkowicz se huis.[26] Nog iemand het vertel sy het gesien hoe ’n man ’n meisie met rooi hare op die aand van Walkowicz se verdwyning tussen 17:30 en 18:00 in ’n ligkleurige Dodge Dart dwing.[27]

Rochester se polisiedepartement het enige voorstelle ontken dat daar ’n verband tussen Colón en Walkowicz se moord was.[28]

Michelle Maenza

wysig

Sewe maande later, op die aand van 26 November 1973, het die 11-jarige Michelle Maenza se ma, Carolyn, haar as vermis aangegee nadat die kind nie van die skool af teruggekom het nie. Daar is vasgestel Maenza is om 15:20 laas deur haar skoolmaats gesien op pad na ’n inkopiesentrum naby die skool om haar ma se beursie te gaan haal wat sy vroeër die dag in ’n winkel vergeet het.[29] Sowat 10 minute later het ’n ooggetuie Maenza aan die passasierskant van ’n beige of taankleurige voertuig sien sit wat vinnig in die straat af gery het. Volgens die ooggetuie het die kind gehuil.[30]

Om 17:30 het ’n motoris ’n man by ’n groot beige of taankleurige voertuig met ’n pap band sien staan.[31] Dit was aan Route 350 in die dorp Walworth en die man het ’n meisie wat die ooggetuie seker was Maenza was, aan haar pols vasgehou. Toe die ooggetuie stilhou en sy hulp aanbied, het die man die kind agter sy rug ingeruk.[32] Hy het voor die voertuig se nommerplaat gestaan. Die man het die ooggetuie so boos aangegluur dat laasgenoemde verplig gevoel het om weg te ry.[33]

Maenza se ten volle geklede liggaam is op 28 November om 10:30 in ’n sloot in die dorp Macedon gekry, sowat 24 km van Rochester af. In ’n lykskouing is bevind sy het verskeie wonde aan haar lyf gehad wat met ’n stomp voorwerp toegedien is, sy is verkrag en van agter af met ’n voorwerp soos ’n dun tou verwurg. Verskeie wit kathare is aan haar klere gekry,[34] en blare van die omgewing is in haar vuis gevind,[35] wat aandui dat sy waarskynlik vermoor is op of naby die plek waar haar lyk gekry is.[36] ’n Monster is van semen geneem, asook ’n palmafdruk aan haar nek.[37][38]

Ondersoek

wysig

Al drie moorde het groot openbare belangstelling gelok en daar is wyd daaroor berig. Ná Maenza se moord het ondersoekers ’n profieltekening aan die media uitgereik van die persoon wat deur verskeie ooggetuies by die kind gesien is.[39] Nes met die ander twee moorde is ’n blitslyn daargestel, maar dié keer vir al drie moorde. ’n Beloning is ook weer uitgereik.[40] Talle oproepe is ontvang, maar dit het geen noemenswaardige getuienis opgelewer nie.[41]

Hoewel die ondersoekers meer as 800 verdagtes ondervra het, is die moorde nooit opgelos nie. Omdat al drie meisies uit ’n arm Katolieke huis gekom het,[42] min vriende gehad het en kort voor hulle moord geboelie is[43] of swak op skool gevaar het, het ondersoekers die moontlikheid nie uitgesluit nie dat die moordenaar gewerk het by, of kennis gehad het van, die praktyke van ’n maatskaplike agentskap.[44]

Ooreenkomste

wysig

Al drie slagoffers was voortienermeisies wat vroeg die middag in ligte of swaar reën in Rochester verdwyn het[45] en wie se liggaam later in naburige distrikte gevind is. Die liggame is óf ten volle óf halfgeklee ontdek naby ’n grootpad op ’n plek wat maklik met ’n voertuig bereik kon word.[46]

Al drie was kort[47] en is verkrag voordat hulle vermoor is. Al drie is deur hulle skoolmaats as alleenlopers beskou.[48]

Ondersoekers stem saam dit is onwaarskynlik dat die slagoffers gekies is omdat hulle voornaam en van met dieselfde letter begin het,[49] want dit sou beteken hulle moordenaar moes hulle lank agtervolg het, en dit sou die kans om aandag te trek verhoog. Sommige ondersoekers glo ook Colón is, anders as die ander twee, vermoor deur iemand wat haar geken het en dalk familie was.[50]

Verdagtes

wysig

In die saak van Carmen Colón is haar oom, Miguel Colón, as ’n sterk kandidaat vir die moord beskou. Miguel was die broer van Colón se pa, Justiniano. Nadat die ouers geskei is, het hy ’n verhouding met die ma, Guillermina, aangeknoop.[51] Colón se oupa, Felix, het gewoonlik saam met haar apteek toe gestap, maar op die dag van haar moord het sy daarop aangedring om alleen te stap.[52]

Net weke voor haar dood het haar oom ’n motor gekoop wat ooreenstem met die beskrywing van ooggetuies.[53] Ondersoekers het die voertuig ondersoek en gevind dit is binne en buite goed skoongemaak, en die kattebak is met ’n sterk skoonmaakmiddel gewas.[54] Nadat Miguel eers gevlug en hom daarna oorgegee het, kon hy nie ’n aanvaarbare alibi verskaf nie. Geen fisieke getuienis kon egter gevind word wat hom met die moord verbind nie.[55]

Miguel het in 1991 op 44-jarige ouderdom selfmoord gepleeg ná ’n geval van gesinsgeweld waarin hy sy vrou en broer geskiet en gewond het.[56]

Nog iemand wat as sterk kandidaat vir die Alfabetmoorde beskou is, is die 25-jarige brandbestryder Dennis Termini van Rochester. Termini was ’n reeksoortreder wat as die "Garageverkragter" bekend was. Hy het tussen 1971 en 1973 minstens 14 meisies en jong vroue verkrag. Hy het ook ’n beige voertuig gehad wat aan die beskrywing van moordooggetuies voldoen en het naby die plek gewoon waar Maenza laaste lewend gesien is.[57]

Net vyf weke na Maenza se moord het Termini probeer om ’n tienermeisie met ’n vuurwapen te ontvoer,[58] maar hy het gevlug toe sy aanhou gil. Kort daarna het hy nog ’n meisie probeer ontvoer, maar is dié keer deur die polisie agternagesit. Termini het selfmoord gepleeg deur homself in die kop te skiet.[59] Ná sy dood is wit kathare in sy voeruig gevind.[60]

In Januarie 2007 is Termini se liggaam opgegrawe om DNS-monsters te kry en met semenmonsters aan Walkowicz se liggaam te vergelyk. Dit het bewys hy was nie vir haar moord verantwoordelik nie. Alle fisieke bewyse van Colón of Maenza se liggaam het egter sedertdien verdwyn of is vernietig.[61]

Nog ’n verdagte is die reeksmoordenaar Kenneth Bianchi, wat ten tye van die moorde ’n roomysverkoper in Rochester was. Hy het op plekke naby die eerste twee moordvondste gewerk. Bianchi het in Januarie 1976 van Rochester na Los Angeles verhuis. Tussen 1977 en 1978 het hy en sy neef Angelo Buono jr. die Hillside Strangler-moorde op 10 meisies en jong vroue tussen 12 en 28 jaar oud gepleeg.[62]

Bianchi is nooit van die Alfabetmoorde aangekla nie en het enige skuld heftig ontken.[63] Hy het egter, terwyl hy in Rochester gewoon het, met ’n voertuig van dieselfde model en kleur gery as die een wat ooggetuies beskryf het.[64]

In April 2011 is die 77-jarige Joseph Naso in Reno, Nevada, in hegtenis geneem vir die moord op vier vroue in Kalifornië tussen 1977 en 1994. Al vier was vermoedelik prostitute[65][66] en almal se naam het met dieselfde letter as hulle van begin.[67] Naso het in die vroeë 1970's in Rochester gewoon en het dikwels tussen New York en Kalifornië gereis.[65][66][68] Sy DNS het egter nie oorgestem met dié van die semen wat aan Walkowicz se liggaam gevind is nie.[69][70]

Naso is op 18 Junie 2013 van die moord op die Kaliforniese vroue aangekla.[71] Hy is op 20 Augustus aan die vier moorde skuldig bevind en op 22 November ter dood veroordeel.[72]

Verwysings

wysig
  1. ↑ Unsolved Child Murders: Eighteen American Cases, 1956–1998 ISBN 978-1-476-67000-3 pp. 34-43
  2. ↑ Alphabet Killer: The True Story of the Double Initial Murders ISBN 978-0-811-70632-2 p. 98
  3. ↑ "Double Initial Murders: One Killer?". Rochester, New York. WHEC-TV. 22 Februarie 2019. Geargiveer vanaf die oorspronklike op 28 Desember 2019. Besoek op 28 Desember 2019.
  4. ↑ Unsolved Child Murders: Eighteen American Cases, 1956–1998 ISBN 978-1-476-67000-3 p. 34
  5. ↑ Serial Murderers and Their Victims ISBN 978-0-495-60081-7 p. 458
  6. ↑ "Double Initial Murders: Carmen Colón". WHEC-TV. 1 Februarie 2019. Besoek op 4 Januarie 2020.[dooie skakel]
  7. ↑ Nightmare in Rochester: The Double-Initial Murders ISBN 978-1-790-16809-5 p. 16
  8. ↑ The Devil at Genesee Junction ISBN 978-1-442-25233-2 p. 63
  9. ↑ Unsolved Child Murders: Eighteen American Cases, 1956–1998 ISBN 978-1-476-67000-3 p. 35
  10. ↑ Alphabet Killer: The True Story of the Double Initial Murders ISBN 978-0-811-70632-2 p. 7
  11. ↑ The Devil at Genesee Junction ISBN 978-1-442-25233-2 pp. 63-64
  12. ↑ Unsolved Child Murders: Eighteen American Cases, 1956–1998 ISBN 978-1-476-67000-3 p. 35
  13. ↑ Craig, Gary (1 Maart 2009). "'Double Initial' Murders Remain Mystery After 35 Years". Democrat and Chronicle. Rochester: Gannett. pp. 1A, 8A. Besoek op 2 Maart 2009.
  14. ↑ "Double Initial Murders: Wanda Walkowicz". WHEC-TV. 1 Februarie 2019. Geargiveer vanaf die oorspronklike op 29 November 2020. Besoek op 4 Januarie 2020.
  15. ↑ Unsolved Child Murders: Eighteen American Cases, 1956–1998 ISBN 978-1-476-67000-3 p. 38
  16. ↑ Alphabet Killer: The True Story of the Double Initial Murders ISBN 978-0-811-70632-2 p. 38
  17. ↑ "Leads Sought in 1973 'Double Initial' Killing of Girl, 11". Democrat and Chronicle. 9 Maart 2018. Besoek op 9 Januarie 2020.
  18. ↑ Still at Large: A Casebook of 20th Century Serial Killers who Eluded Justice ISBN 978-1-559-50184-2 p. 8
  19. ↑ Unsolved Child Murders: Eighteen American Cases, 1956–1998 ISBN 978-1-476-67000-3 p. 38
  20. ↑ "Homicide Victim: Walkowicz, Wanda Lee". 5 Januarie 2006. Besoek op 6 Februarie 2020.[dooie skakel]
  21. ↑ The Devil at Genesee Junction ISBN 978-1-442-25233-2 p. 64
  22. ↑ "Double Initial Murders: Wanda Walkowicz". WHEC-TV. 1 Februarie 2019. Geargiveer vanaf die oorspronklike op 29 November 2020. Besoek op 4 Januarie 2020.
  23. ↑ Alphabet Killer: The True Story of the Double Initial Murders ISBN 978-0-811-70632-2 p. 91
  24. ↑ Unsolved Child Murders: Eighteen American Cases, 1956–1998 ISBN 978-1-476-67000-3 pp. 39-40
  25. ↑ The Devil at Genesee Junction ISBN 978-1-442-25233-2 p. 64
  26. ↑ Alphabet Killer: The True Story of the Double Initial Murders ISBN 978-0-811-70632-2 p. 36
  27. ↑ Unsolved Child Murders: Eighteen American Cases, 1956–1998 ISBN 978-1-476-67000-3 p. 39
  28. ↑ Nightmare in Rochester: The Double-Initial Murders ISBN 978-1-790-16809-5 p. 46
  29. ↑ Unsolved Child Murders: Eighteen American Cases, 1956–1998 ISBN 978-1-476-67000-3 p. 40
  30. ↑ "Double Initial Murders: Michelle Maenza". WHEC-TV. 1 Februarie 2019. Geargiveer vanaf die oorspronklike op 3 Augustus 2020. Besoek op 4 Januarie 2020.
  31. ↑ The Devil at Genesee Junction ISBN 978-1-442-25233-2 p. 64
  32. ↑ Nightmare in Rochester: The Double-Initial Murders ISBN 978-1-790-16809-5 p. 71
  33. ↑ "Double Initial Murders: Michelle Maenza". WHEC-TV. 1 Februarie 2019. Geargiveer vanaf die oorspronklike op 3 Augustus 2020. Besoek op 4 Januarie 2020.
  34. ↑ Alphabet Killer: The True Story of the Double Initial Murders ISBN 978-0-811-70632-2 p. 98
  35. ↑ Unsolved Child Murders: Eighteen American Cases, 1956–1998 ISBN 978-1-476-67000-3 p. 41
  36. ↑ The Encyclopedia of Unsolved Crimes ISBN 978-0-816-07818-9 p. 7
  37. ↑ The Hillside Strangler: The Three Faces of America's Most Savage Rapist and the Shocking Revelations from the Sensational Los Angleles Trial ISBN 978-1-884-95637-9 p. 256
  38. ↑ Alphabet Killer: The True Story of the Double Initial Murders ISBN 978-0-811-70632-2 p. 63
  39. ↑ The Devil at Genesee Junction ISBN 978-1-442-25233-2 p. 65
  40. ↑ The Hillside Strangler: The Three Faces of America's Most Savage Rapist and the Shocking Revelations from the Sensational Los Angleles Trial ISBN 978-1-884-95637-9 p. 256
  41. ↑ "Double Initial Murders: Carmen Colón". WHEC-TV. 1 Februarie 2019. Besoek op 4 Januarie 2020.[dooie skakel]
  42. ↑ Unsolved Child Murders: Eighteen American Cases, 1956–1998 ISBN 978-1-476-67000-3 p. 43
  43. ↑ The Hillside Strangler: The Three Faces of America's Most Savage Rapist and the Shocking Revelations from the Sensational Los Angleles Trial ISBN 978-1-884-95637-9 p. 255
  44. ↑ The Encyclopedia of Unsolved Crimes ISBN 978-0-816-07818-9 p. 7
  45. ↑ The Hillside Strangler: The Three Faces of America's Most Savage Rapist and the Shocking Revelations from the Sensational Los Angleles Trial ISBN 978-1-884-95637-9 pp. 255-256
  46. ↑ "Double Initial Murders: One Killer?". Rochester, New York. WHEC-TV. 22 Februarie 2019. Geargiveer vanaf die oorspronklike op 28 Desember 2019. Besoek op 2 Januarie 2020.
  47. ↑ Nightmare in Rochester: The Double-Initial Murders ISBN 978-1-790-16809-5 p. 18
  48. ↑ The Hillside Strangler: The Three Faces of America's Most Savage Rapist and the Shocking Revelations from the Sensational Los Angleles Trial ISBN 978-1-884-95637-9 pp. 255-256
  49. ↑ Alphabet Killer: The True Story of the Double Initial Murders ISBN 978-0-811-70632-2 p. 78
  50. ↑ The Hillside Strangler: The Three Faces of America's Most Savage Rapist and the Shocking Revelations from the Sensational Los Angleles Trial ISBN 978-1-884-95637-9 p. 257
  51. ↑ Alphabet Killer: The True Story of the Double Initial Murders ISBN 978-0-811-70632-2 p. 2
  52. ↑ "Why Did Hundreds Ignore Doomed Girl?". Detroit, Michigan. Detroit Free Press. 28 November 1971. Besoek op 10 Januarie 2020.
  53. ↑ Alphabet Killer: The True Story of the Double Initial Murders ISBN 978-0-811-70632-2 p. 6
  54. ↑ Nightmare in Rochester: The Double Initial Murders ISBN 978-1-790-16809-5 p. 20
  55. ↑ "Double Initial Murders: One Killer?". Rochester, New York. WHEC-TV. 22 Februarie 2019. Geargiveer vanaf die oorspronklike op 28 Desember 2019. Besoek op 3 Januarie 2020.
  56. ↑ Cawthorne, Nigel (2007). The Mammoth Book of Killers at Large. VK: Robinson. p. 209. ISBN 978-1-84529-631-5.
  57. ↑ Alphabet Killer: The True Story of the Double Initial Murders ISBN 978-1-476-67000-3 p. 66
  58. ↑ Nightmare in Rochester: The Double Initial Murders ISBN 978-1-790-16809-5 p. 81
  59. ↑ "Double Initial Murders: One Killer?". WHEC-TV. 22 Februarie 2019. Geargiveer vanaf die oorspronklike op 28 Desember 2019. Besoek op 7 Januarie 2020.
  60. ↑ Alphabet Killer: The True Story of the Double Initial Murders ISBN 978-1-476-67000-3 p. 99
  61. ↑ Alphabet Killer: The True Story of the Double Initial Murders ISBN 978-1-476-67000-3 pp. 68-69
  62. ↑ Craig, Gary (2 Maart 2009). "Serial killer Bianchi Denies He is 'Double Initial' Slayer". Democrat and Chronicle. Rochester, New York: Gannett. p. 6A. Besoek op 2 Maart 2009.
  63. ↑ Serial Murderers and Their Victims ISBN 978-0-495-60081-7 p. 458
  64. ↑ The Encyclopedia of Unsolved Crimes ISBN 978-0-816-07818-9 p. 7
  65. ↑ 65,0 65,1 Justin Berton (7 Julie 2011). "Joseph Naso Now Wants an Attorney for Murder Trial". SFGate.com. Besoek op 20 Augustus 2011.
  66. ↑ 66,0 66,1 Henry K. Lee (17 Junie 2011). "Slaying Suspect Joseph Naso Kept Notes on Victims". SFGate.com. Besoek op 20 Augustus 2011.
  67. ↑ "Eerie Similarites Noted in New York and California Cold Cases". NBC News. 12 April 2011. Besoek op 3 April 2012.
  68. ↑ Dearen, Jason; Scott Sonner (13 April 2011). "What's In a Name? It May Link Calif, NY Cold Cases". The Salem News. A.P. Besoek op 3 April 2012.
  69. ↑ "No Evidence Links Joseph Naso to Rochester's Double Initial Killings". Democrat and Chronicle. 8 Mei 2011. Besoek op 4 Januarie 2020.
  70. ↑ "Joseph Naso Sentenced to Death for California's 'Alphabet Murders'". The Telegraph. 23 November 2013. Besoek op 4 Januarie 2020.
  71. ↑ "Accused 'Double Initial' Serial Killer Joseph Naso on Trial for Killing Four Prostitutes, Claims He is Not the 'Monster' Prosecutors Say He Is". Daily News (New York). Mortimer Zuckerman. 18 Junie 2013. Besoek op 13 September 2014.
  72. ↑ Klein, Gary (22 November 2013). "Marin Judge Sentences Joseph Naso to Death Row for Murders of Six Women". San Jose Mercury News. Besoek op 13 September 2014.

Bronne en verdere leesstof

wysig
  • Benson, Michael (2010). Murder Times Two: Killer Twins. New York: Pinnacle Books. ISBN 978-0-7860-3185-6.
  • Benson, Michael (2015). The Devil at Genesee Junction: The Murders of Kathy Bernhard and George-Ann Formicola. Lambeth: Rowman & Littlefield. pp. 63–68. ISBN 978-1-4422-5233-2.
  • Cawthorne, Nigel (2007). The Mammoth Book of Killers at Large. Londen: Robinson Publishing. ISBN 978-1-84529-631-5.
  • Farnsworth, Cheri L. (2010). Alphabet Killer: The True Story of the Double Initial Murders. Stackpole Books. ISBN 978-0-8117-0632-2.
  • Lane, Brian; Gregg, Wilfred (1995) [1992]. The Encyclopedia Of Serial Killers. New York City: Berkley Books. ISBN 0-425-15213-8. {{cite book}}: Ongeldige |ref=harv (hulp)
  • Newton, Michael (1999). Still at Large: A Casebook of 20th Century Serial Killers who Eluded Justice. Washington: Loompanics Unlimited. ISBN 978-1-55950-184-2.
  • Newton, Michael (2009). The Encyclopedia of Unsolved Crimes. New York: Facts on File. ISBN 978-0-8160-7818-9.
  • Schechter, Harold (1996). The A to Z Encyclopedia of Serial Killers. New York: Pocket Books. ISBN 978-1-4766-7000-3.
  • Thompson, Emily G. (2018). Unsolved Child Murders: Eighteen American Cases, 1956–1998. Noord-Carolina: McFarland & Company Inc. ISBN 978-1-4766-7000-3.
  • Tubman, Donald A. (2018). Nightmare in Rochester: The Double-Initial Murders. VSA: Amazon Kindle Direct Publishing. ISBN 978-1-79016-809-5.

Skakels

wysig
Ontsluit van "https://af.wikipedia.org/w/index.php?title=Alfabetmoorde&oldid=2487559"