Allan Hills 84001
Allan Hills 84001, of ALH 84001,[1] is 'n fragment van 'n meteoriet van Mars af wat op 27 Desember 1984 in die Allan Hills op Antarktika ontdek is deur 'n groep Amerikaanse meteorietjagters van die ANSMET-projek.
| Allan Hills 84001 | ||
| ||
| 'n Fragment van meteoriet ALH 84001. | ||
| Voorwerp | ||
| Ander naam | ALH 84001 | |
| Tipe | Achondriet | |
| Samestelling | Lae-Ca-ortopirokseen, chromiet, maskeliniet, Fe-ryke karbonaat[1] | |
| Datum | 1984 (ontdek) | |
| Waargenome val | Nee | |
| TBG | 1 930,9 g | |
| Gebied | ||
| Land | Antarktika | |
| Streek | Allan Hills | |
| Oorsprong | Mars | |
Daar word vermoed dit kom oorspronklik van Mars af, nes ander lede van die SNC-groep. Dit pas egter nie in een van die voorheen ontdekte SNC-groepe nie. Sy massa toe dit ontdek is, was 1,93 kg.
In 1996 het 'n groep wetenskaplikes iets in die meteoriet ontdek wat ooreengestem het met mikroskopiese fossiele van bakterieë, wat daarop gedui het dat dié organismes van Mars af kom. Die bewering het dadelik wêreldwyd die nuushoofberigte gehaal, en het daartoe gelei dat die destydse Amerikaanse president, Bill Clinton, 'n toespraak oor die moontlike ontdekking gelewer het.[2]
Die bewering was van die begin af omstrede en die wyer wetenskaplike gemeenskap het eindelik die hipotese verwerp nadat al die ongewone eienskappe in die meteoriet verduidelik is sonder dat dit op lewe dui.
Hoewel daar geen oortuigende bewyse was van lewe op Mars nie, word die aanvanklike geskrif en die enorme wetenskaplike en openbare belangstelling wat dit ontlok het, beskou as 'n keerpunt in die geskiedenis van die ontwikkelende wetenskap astrobiologie.[3]
Beskrywing
wysigALH 84001 is in die 1984-'85-seisoen in die Allan Hills ontdek.[4] Dit is vermoedelik een van die oudste Marsmeteoriete wat na bewering 4,091 miljard jaar gelede uit gesmelte rots gekristalliseer het.[5] 'n Chemiese ontleding dui aan dit het op Mars ontstaan[6][7] toe daar vloeibare water op die planeet se oppervlak was.[8][9]
Volgens 'n teorie is ALH 84001 sowat 17 miljoen jaar gelede van Mars se oppervlak af geskiet in 'n botsing met 'n meteoor,[10] en het dit 13 000 jaar gelede op die aardoppervlak geval.[11] Dié datums is bepaal deur 'n verskeidenheid radiometriese dateringstegnieke, insluitende radiokoolstofdatering.[12][13] Die groot belangstelling in ALH 84001 het ontstaan omdat dit die enigste meteoriet is wat van Mars af gekom het toe dit vloeibare water op die oppervlak kon gehad het.[3]
In April 2020 het navorsers berig hulle het stikstofhoudende organismes in Allan Hills 84001 gevind.[14] 'n Latere studie het aangedui ALH 84001 bevat nie Marslewe nie; daar is bevind die ontdekte organiese molekules kan verbind word met abiotiese prosesse wat 4 miljard jaar gelede op 'n baie vroeë Mars geskep is.[15][16]
Verwysings
wysig- ↑ 1,0 1,1 "Meteoritical Bulletin Database: Allan Hills 84001".
- ↑ "President Clinton Statement Regarding Mars Meteorite Discovery". www2.jpl.nasa.gov. Besoek op 17 Maart 2018.
- ↑ 3,0 3,1 Crenson, Matt (6 Augustus 2006). "After 10 years, few believe life on Mars". Associated Press on USA Today. Besoek op 6 Desember 2009.
- ↑ Cassidy, William (2003). Meteorites, Ice, and Antarctica: A personal account. Cambridge: Cambridge University Press. pp. 122. ISBN 9780521258722.
- ↑ Lapen, T. J.; et al. (2010). "A Younger Age for ALH84001 and Its Geochemical Link to Shergottite Sources in Mars". Science. 328 (5976): 347–351. Bibcode:2010Sci...328..347L. doi:10.1126/science.1185395. PMID 20395507. S2CID 17601709.
- ↑ "Martian (OPX) Meteorites". The Meteoritical Society. Lunar And Planetary Institute. Besoek op 7 Mei 2014.
- ↑ "Information on the Allan Hills 84001". The Meteoritical Society. Lunar and Planetary Institute. Besoek op 7 Mei 2014.
- ↑ "The ALH84001 Meteorite". Nasa. Jet Propulsion Laboratory. Besoek op 7 Mei 2014.
- ↑ Eiler, John M.; Fischer, Woodward W.; Halevy, Itay (11 Oktober 2011). "Carbonates in the Martian meteorite Allan Hills 84001 formed at 18 ± 4 °C in a near-surface aqueous environment". Proceedings of the National Academy of Sciences. PNAS. 108 (41): 16895–16899. doi:10.1073/pnas.1109444108. PMC 3193235. PMID 21969543.
- ↑ "Evidence for ancient Martian life" (PDF).
- ↑ "How could ALH84001 get from Mars to Earth?". Lunar and Planetary Institute. LPI. 2014. Besoek op 7 Mei 2014.
- ↑ Nyquist, L. E.; Wiesmann, H.; Shih, C.-Y.; Dasch, J. (1999). "Lunar Meteorites and the Lunar Crustal SR and Nd Isotopic Compositions". Lunar and Planetary Science. 27: 971. Bibcode:1996LPI....27..971N.
- ↑ Borg, Lars; et al. (1999). "The Age of the Carbonates in Martian Meteorite ALH84001". Science. 286 (5437): 90–94. Bibcode:1999Sci...286...90B. doi:10.1126/science.286.5437.90. PMID 10506566.
- ↑ Koike, Mizuho; et al. (24 April 2020). "In-situ preservation of nitrogen-bearing organics in Noachian Martian carbonates". Nature Communications. 11 (1988): 1988. Bibcode:2020NatCo..11.1988K. doi:10.1038/s41467-020-15931-4. PMC 7181736. PMID 32332762.
- ↑ Dunn, Marcia. "Study nixes Mars life in meteorite found in Antarctica". Associated Press. Besoek op 13 Januarie 2022.
- ↑ Steele, A.; et al. (13 Januarie 2022). "Organic synthesis associated with serpentinization and carbonation on early Mars". Science. 375 (6577): 172–177. doi:10.1126/science.abg7905. Besoek op 15 Januarie 2022.
Nog leesstof
wysig- Sawyer, Kathy (2006). The Rock from Mars: A Detective Story on Two Planets. Random House. ISBN 1-4000-6010-9.
Skakels
wysig
Wikimedia Commons het meer media in die kategorie Allan Hills 84001.
Hierdie artikel is in sy geheel of gedeeltelik uit die Engelse Wikipedia vertaal.
