Alta Beetge
Alta Beetge is 'n Suid-Afrikaanse skrywer.
Lewe en werk wysig
Sy matrikuleer aan die Hoërskool Ficksburg in die Oos-Vrystaat, waar sy haar toekomstige man, Werner Beetge, ontmoet. Hulle is op 20 Maart 1982 getroud en woon aanvanklik in Bloemfontein. Sy word joernalis en later vroueredakteur by Volksblad in Bloemfontein en aanbieder van die weeklikse rubriek “Alta se perspektief”, wat oor Radio Oranje uitgesaai word. Deeltyds studeer sy Kommunikasiekunde en Linguistiek aan die Universiteit van Suid-Afrika, waar sy in 1982 'n B.A.-graad behaal. Later trek die gesin na Pretoria. Hier aanvaar sy 'n pos in die Produksie-afdeling van die Hatfield Christelike Kerk. Sy en haar man het drie kinders.[1]
Skryfwerk wysig
'n Keur uit haar sketse oor Radio Oranje word uitgegee as “Kontrei-kletsies”,[2] waarin sy oor alledaagse onderwerpe praat, soos sykouse wat altyd op die verkeerde tyd leer, 'n mikrogolfoond se halsstarrigheid en die dinge waaroor kleiner kinders stres.
Publikasies wysig
- 1994 Kontrei-kletsies