Amerikaanse presidentsverkiesing 2020

Die Amerikaanse presidentsverkiesing van 2020 (Engels: United States presidential election, 2020) is op 3 November 2020 gehou om te bepaal wie die 46ste President van die Verenigde State van Amerika sal wees. President Donald Trump van die Republikeinse Party het teen Joe Biden van die Demokratiese Party in die verkiesing meegeding om presidentskap. Biden het Trump verslaan en hy is op 20 Januarie 2021 in die amp beëdig.^[1]

159,633,396 Amerikaners het gestem, die grootste getal tot nog toe, waarvan Biden en Harris 51.3% op hul verenig het, en Trump en Pence, 46.8%. Trump was van mening dat grootskaalse verkiesingsbedrog die skaal in Biden se guns geswaai het, en het etlike geregtelike aksies geloots om sekere bepalende uitslae ongeldig te verklaar. Die deelstaat Texas het ook 'n aksie geloots maar was ewe onsuksesvol in die hof. Uiteindelik het Trump, sy regsverteenwoordiger Rudy Giuliani en ander Republikeine vurige toesprake voor die Kapitoolgebou gehou. Sekere optoggangers het die Kapitool bestorm en binnegedring. Hiervoor het die senaat gepoog om Trump nogmaals in 'n staat van beskuldiging te plaas, maar kon nie die nodige twee derde meerderheid verkry om hom skuldig te bevind nie.^[2]