Amlodipien

Vrywaring: Die mediese inligting verskaf op Wikipedia dien slegs as 'n riglyn en dra geen waarborg van feitelike korrektheid nie.
Enige vrae of klagtes oor u persoonlike gesondheid behoort na 'n dokter verwys te word.

Amlodipien

Algemeen

Chemiese formule	C₂₀H₂₅Cl N₂O₅
Molêre massa	408.879 g/mol
CAS-registernommer	88150-42-9
Farmakokinetika
Roete van toediening	Oraal (tablette)
Biobeskikbaarheid	64 tot 90%
Metabolisme	Lewer
Uitskeiding	Niere
Eliminasie-halfleeftyd	30–50 uur

Amlodipien (as besilaat, mesilaat of maleaat) is 'n geneesmiddel wat gebruik word om hoë bloeddruk, hartversaking en angina (borskaspyn) mee te behandel. Amlodipien is op die Wêreldgesondheidsorganisasie se modellys van noodsaaklike medisyne wat nodig geag word om die minimum mediese behoeftes van 'n basiese gesondheidsorgstelsel te ondersteun.

Farmakologiese werking

Amlodipien is 'n langwerkende kalsiumkanaalblokker (dihidropiridienklas). Net soos ander middels in hierdie klas, werk amlodipien deur die spiertjies in die bloedvate te ontspan, waardeur die bloeddruk dan daal. By angina bevorder die middel bloedvloei na die hartspier om te voldoen aan sy suurstofbehoefte en dus die pyn te verminder.

Aanwysings

Essensiële hipertensie.
Stabiele hartvatsiekte: afname in hartaanvalle in pasiënte met 'n geskiedenis van miokardiale infarksie.
Behandeling van simptomatiese hartsiekte of kongestiewe hartversaking. Behandeling hiervoor met amlodipien behoort onder streng mediese toesig ingestel te word teen 'n aanvangsdosis van 5 mg daagliks.

Dosis en toediening

Amlodipien, as behandeling vir hipertensie, se aanvangsdosis is 5 mg daagliks per mond.

Teenaanwysings

Absoluut^[1]

Geskiedenis van hipersensitiwiteit teenoor amlodipien

Relatief^[1]

Kardiogeniese skok
Onstabiele angina
Hipotensie: bloeddruk laer as 90/60 mmHg
Aortiese stenose
Swangerskap en borsvoeding

Samestelling

Elke tablet bevat 5 mg of 10 mg amlodipien

Aanbieding

Amlodipien word deur Pfizer as Norvasc ® verkoop in Noord-Amerika, Australië, Suid-Afrika en sommige Europese lande. Sedert die patent in 2007 verval het, is dit ook wêreldwyd as 'n generiese middel beskikbaar.

Verpakkings bevat gewoonlik strokies met 30 gekeepte 5 mg of 10 mg amlodipientablette.

Verwysings

↑ ^1,0 ^1,1 "DailyMed – AMLODIPINE – amlodipine besylate tablet". dailymed.nlm.nih.gov (in Engels). Geargiveer vanaf die oorspronklike op 20 September 2018. Besoek op 5 November 2015.

Eksterne skakels

U.S. National Library of Medicine: Drug Information Portal – Amlodipine

[DailyMed-1] 1,0 ^1,1 "DailyMed – AMLODIPINE – amlodipine besylate tablet". dailymed.nlm.nih.gov (in Engels). Geargiveer vanaf die oorspronklike op 20 September 2018. Besoek op 5 November 2015.

[1]