Analise Carstens
Analise Carstens is ’n Afrikaanse digter en skrywer.
Lewe en werk
wysigAnna Elizabeth Carstens word op die familieplaas in die Piketberg distrik gebore. Sy matrikuleer aan die Hugenote Hoërskool op Wellington en studeer dan verder aan die Universiteit van Stellenbosch, waar sy ’n B.A.-graad verwerf met Afrikaans-Nederlands en Duits as hoofvakke. D.J. Opperman is hier een van haar dosente. Sy behaal ook ’n Sekondêre Onderwysdiploma. Hierna begin sy onderwys gee, onder andere by die Drakensberg Seunskoor, waar sy regisseur is van verskeie musiekuitvoerings en toneelopvoerings. Sy tree dan in diens van die Wes-Kaapse Onderwysdepartement en skryf onder andere handleidings tot voorgeskrewe werke vir die onderrig van Afrikaans as tweede taal.
Haar debuutbundel “Skanse”[1][2] bevat meestal sentimentele gedigte oor private gevoelens,[3] die liefde en die lag en die lekker van die lewe.[4] “Om te onthou” is nog ’n digbundel en sommige van die gedigte in hierdie bundel word getoonset. “Djy’s bakgat afgepleiste”[5] is nog ’n digbundel, hierdie keer met versies in Kaaps geskryf. Haar gedigte word in verskeie versamelbundels opgeneem, waaronder die gedig “Naweek in die Goudstad” in “Goudaar” onder redaksie van Fanie Olivier. Gerrit Komrij neem ook van haar gedigte op in “Die Afrikaanse poësie in ’n duisend en enkele gedigte”.
“Sonseisoene in die Drakensberge” is ’n outobiografiese liefdesverhaal en “Die waarheid oor gister: vertellings” is ’n kortverhaalbundel. “Ik ween om bloemen” is haar outobiografie. Sy skryf ook “Dagjuweeltjies vir die jaar”, ’n Christelike oordenkingsboek, en ’n boek oor “Grondbeginsels van Duitse grammatika”.
Publikasies
wysig| Jaar | Publikasie |
|---|---|
| 1982 | Skanse |
| 2000 | Om te onthou |
| Djy’s bakgat afgepleiste | |
| Sonseisoene in die Drakensberge | |
| 2013 | Ik ween om bloemen |
| Die waarheid oor gister: vertellings | |
| Dagjuweeltjies vir die jaar | |
| Grondbeginsels van Duitse grammatika |
Bronnelys
wysigBoeke
wysig- Kannemeyer, J.C. “Die Afrikaanse literatuur 1652-2004” Human & Rousseau Kaapstad en Pretoria; Eerste uitgawe 2005
- Van Coller, H.P. (red.) “Perspektief en Profiel Deel 2” J.L. van Schaik-Uitgewers Pretoria; Eerste uitgawe 1999
Tydskrifte en koerante
wysig- Frantz, Illana “Sewe boeke sien die lig” “Distrikspos” 29 Augustus 2013
- Hambidge, Joan “Sy wen al drie pryse vir vrot skryf” “Beeld” 20 Maart 2001
Internet
wysig- Esaach: http://www.esaach.org.za/index.php?title=Carstens,_Analise
- Stellenbosch Writers: http://www.stellenboschwriters.com/carstens.html
Verwysings
wysig- ↑ Albrecht, Sybelle “Die Vaderland” 28 Oktober 1982; Brink, André P. “Rapport” 8 Augustus 1982
- ↑ Cloete, T.T. “Tydskrif vir Geesteswetenskappe” Jaargang 23 no. 4, Desember 1983
- ↑ Cloete, T.T. “Tydskrif vir Letterkunde” Jaargang 21 no. 3, Augustus 1983
- ↑ Brink, André P. “Standpunte” Nuwe reeks 161, Oktober 1982; H.P. “Die Burger” 25 November 1982
- ↑ Hambidge, Joan “Die Burger” 20 Desember 2000: http://joanhambidge.blogspot.co.za/2013/03/analise-carstens-djys-bakgat.html