Andrew Chesterman
Andrew Peter Clement Chesterman (gebore 1946, Londen, Verenigde Koninkryk) is ’n Engelse geleerde wat in Finland werksaam is. Hy is die bekendste vir sy werk in vertaalstudies en was van 2002 tot 2010 professor van Veeltalige Kommunikasie aan die Universiteit van Helsinki.[1] Chesterman was in 1999 CETRA-professor (Katolieke Universiteit van Leuven),[2] was van 1998 tot 2004 ’n lid van die Uitvoerende Raad van die Europese Vereniging vir Vertaalstudies (EST) en van 2007 tot 2010 ’n lid van die Wetenskaplike Adviesraad vir die Sentrum vir Vertaalstudies (Universiteit van Wene).[3] Hy is sedert 2005 ’n lid van die Finse Vereniging van Wetenskap en Lettere[4] en sedert 2008 ’n ridder, eerste klas, van die Orde van die Wit Roos van Finland.[5]
Loopbaan
wysigChesterman het Hedendaagse Tale aan die Universiteit van Cambridge bestudeer. Daarna het hy Toegepaste Taalkunde aan die Universiteit van Edinburg gestudeer en in 1973 sy meestersgraad verwerf. In 1988 het hy ’n doktorsgraad in Taalkunde verwerf aan die Universiteit van Reading. In 1968 het Chesterman na Finland verhuis en hy woon sedertdien daar. Hy werk hoofsaaklik vanuit die Universiteit van Helsinki. In 2010 het hy afgetree van sy professorskap in Veeltalige Kommunikasie aan die Universiteit van Helsinki, maar hy is nog steeds bedrywig op die gebied van Vertaalstudies.[6]
Werke
wysig- On Definiteness. A Study with Special Reference to English and Finnish, Cambridge: Cambridge University Press, 1991.
- Memes of Translation. The spread of ideas in translation theory, Amsterdam and Philadelphia: John Benjamins, 1997.
- Contrastive Functional Analysis, Amsterdam and Philadelphia: John Benjamins, 1998.
- Can Theory Help Translators?: A Dialogue Between the Ivory Tower and the Wordface, with Emma Wagner. Manchester: St Jerome Publishing, 2002.
- The Map. A Beginners’ Guide to Doing Research in Translation Studies, with Emma Wagner. Manchester: St Jerome Publishing, 2002.
Verwysings
wysig- ↑ ""Andrew Chesterman"". Geargiveer vanaf die oorspronklike op 16 September 2015. Besoek op 11 September 2015.
- ↑ "CETRA Professorts"
- ↑ ""Wissenschaftlicher Beirat"". Geargiveer vanaf die oorspronklike op 18 Junie 2015. Besoek op 11 September 2015.
- ↑ "List of regular members" Geargiveer 9 April 2015 op Wayback Machine (PDF)
- ↑ "Andrew Chesterman, humanist of the day 20.03". 375 Humanists.
- ↑ "Andrew Chesterman, humanist of the day 20.03". 375 Humanists.