Anne Bonny
Anne Bonny (dalk 8 Maart 1697[1] - April 1782)[1][2] was ’n Ierse seerower wat in die Karibiese See aktief was en een van die bekendste vroulike seerowers nog.[3] Die bietjie wat van haar lewe bekend is, kom moontlik uit kaptein Charles Johnson se boek A General History of the Pyrates.
| Anne Bonny | ||
.jpg)
| ||
| Anne Bonny, uit ’n Nederlandse weergawe van kaptein Charles Johnson se boek oor seerowers. | ||
| Soort | Seerower | |
| Gebore | 8 Maart 1697[1] Naby Cork, Ierland | |
| Verdwyn | Port Royal, Jamaika | |
| Oorlede | 22 April 1782 (?) | |
| Bynaam | Anney | |
| Loopbaan | ||
| Jare aktief | 1718 - Oktober 1720 | |
| Gebied | Karibiese See | |
_for_Allen_%26_Ginter_Cigarettes_MET_DP835030.jpg)
Bonny is omstreeks 1700 in Ierland gebore en het later na Londen en van daar na die provinsie Carolina (nou Noord-Carolina) getrek toe sy omtrent 10 jaar oud was. Sy is omstreeks 1715 getroud en het toe na Nassau in die Bahamas verhuis, wat ’n skuilplek vir seerowers was.
Hier het sy "Calico Jack" Rackham ontmoet en sy vennoot en minnares geword. Sy het haar soos ’n man vermom en min mense het geweet sy is ’n vrou. Bonny is in Oktober 1720 saam met Rackham en Mary Read gevang. Sy en Read is ter dood veroordeel, maar hulle teregstelling is uitgestel omdat albei swanger was. Read is in April 1721 in die tronk aan koors dood (waarskynlik weens ’n komplikasie van die swangerskap), maar dit is onbekend wat van Bonny geword het.
Daar is geen rekord van haar vrylating, teregstelling of dood nie, en dit het verskeie gerugte oor haar lot laat ontstaan.[4]
Verwysings
wysig- ↑ 1,0 1,1 1,2 "Anne Bonny - Famous Pirate - The Way of the Pirates". www.thewayofthepirates.com. Besoek op 29 Desember 2017.
- ↑ "Anne Bonny - Irish American pirate". Besoek op 29 Desember 2017.
- ↑ "Anne Bonny and Famous Female Pirates". www.annebonnypirate.com (in Engels). Besoek op 3 Maart 2018.
- ↑ Carmichael, Sherman (2011). Forgotten Tales of South Carolina. The History Press. p. 72. ISBN 9781609492328.[dooie skakel]
Skakels
wysig
Wikimedia Commons het meer media in die kategorie Anne Bonny.
Hierdie artikel is in sy geheel of gedeeltelik uit die Engelse Wikipedia vertaal.
