Anund
Anund of Bröt-Anund (Sweeds vir "Anund die Landontbosser", Oudoosnoors: Brøt-Anundr, Oudwesnoors: Braut-Önundr) was in die Noorse sagas 'n halflegendariese koning van Swede se Huis van Yngling. Hy het in die middel van die 7de eeu regeer.[1]
| Anund | |
|---|---|
| Legendariese koning van Swede | |
| Voorganger | Ingvar |
| Opvolger | Ingjald |
| Koningshuis | Huis van Yngling |
| Vader | Ingvar |
| Oorlede | By Himinheiðr |
| Kinders | Ingjald |
Geskiedenis
wysigIn sy Ynglinga saga vertel Snorri Sturluson Anund het sy vader, koning Ingvar, opgevolg nadat dié in 'n geveg met die Este gesneuwel het. Ná sy vader se oorloë teen Deense en Estiese Wikings was daar vrede en goeie oeste in Swede. Anund was 'n gewilde koning wat baie ryk geword het – danksy die vrede en goeie oeste, maar ook omdat hy sy pa se dood in Estland gewreek het. Hy het 'n groot deel van die land geplunder en met groot rykdom teruggekeer.[2]
In dié tyd was Swede met groot, onbewoonde woude bedek en Anund het die land ontbos om paaie te bou en groot distrikte te skep wat deur die Swede betrek is. Hy het in elke distrik vir hom 'n plaas geskep en het as gas in baie huise gebly.[3]
Een herfs het koning Anund tussen sy huise gereis en by 'n plek met die naam Himinheiðr tussen twee berge gekom. Hy is deur 'n grondstorting verras wat hom gedood het. Hy is deur sy seun Ingjar opgevolg.
Verwysings
wysig- ↑ Fryxell, A. (1866). Berättelser ur svenska historien ... Berättelser ur svenska historien (in Sweeds). L.J. Hierta. p. 67. Besoek op 6 Julie 2018.
- ↑ "Anund". Svenskt biografiskt lexikon. Besoek op 1 Desember 2019.[dooie skakel]
- ↑ "Om konung Anund". Ynglingaättens historia, hoofstuk 33. Besoek op 1 Desember 2019.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
| Voorganger ← Ingvar |
Legendariese Sweedse koning | Opvolger Ingjald → |