Apposisiekomposita
Volgens Van Huyssteen[1] is apposisiekomposita waar een komponent, die bepaler, 'n ander komponent, die kern, se kenmerke beskryf. Die beskrywing van 'n kenmerk vind plaas deur 'n apposisie wat optree as die eienskap.[2] Dit gee dus 'n kenmerk aan die kern. 'n Voorbeeld van 'n apposisiekompositum is: gunsteling + boek. Gunsteling, wat die bepaler is, gee 'n kenmerk aan die kern. Die boek is dus 'n gunsteling.
