Maak hoofkeuseskerm oop
’n Diagram van wentelelemente, insluitende die argument van periapside (ω).

Die argument van periapside of periapsisargument, met die simbool ω, is een van die wentelelemente van ’n liggaam wat om ’n sentrale liggaam wentel. Dit is die hoek tussen die liggaam se klimmende knoop en sy periapside, gemeet in die rigting van sy beweging.

Vir spesifieke soorte wentelbane kan woorde soos "perihelium" (vir liggame wat om die Son wentel), "perigeum" (om die Aarde), "periastron" (om ’n ster), ensovoorts gebruik word in die plek van "periapside". (Sien apside vir nog inligting.)

’n Argument van periapside van 0° beteken dat die wentelende liggaam op sy naaste aan die sentrale liggaam is op dieselfde tyd dat dit die verwysingsvlak van suid na noord kruis. ’n Argument van periapside van 90° beteken dat die wentelende liggaam periapside bereik op sy noordelikste afstand van die verwysingsvlak af.

Eksterne skakelsWysig