Ariarathes VI Epiphanes Philopator (Grieks: Ἀριαράθης Ἐπιφανής Φιλοπάτωρ) was van 130/126 v.C tot 116/111 v.C koning van Kappadosië. Hy was die jongste seun van Ariarathes V. Sy ma, Nysa, het al haar ander kinders vermoor om die mag vir haarself te kan hou. Die jong seun is egter gered en sy ma doodgemaak.
Ariarathes VI Epiphanes Philopator
Koning van Kappadosië
Silwermuntstuk met die kop van Ariarathes VI Epiphanes Philopator.
Hierdie feite was genoeg beweegrede vir Mithridates V van Pontus om beheer oor Kappadosië te probeer oorneem. Met dié vooruitsig het hy sy dogter Laodice met Ariarathes laat trou. Dit was egter nie genoeg om Kappadosië in ’n satellietstaat van Pontus te verander nie en Mithridates Euergetes se seun, Mithridates VI, het Ariarathes toe laat vermoor.
Ná sy dood is die koninkryk vir ’n kort rukkie deur sy weduwee regeer, en toe is dit beset deur Nicomedes III van Bitinië, wat met haar getrou het. Nicomedes III is egter gou daarna vervang deur Mithridates VI van Bitinië, wat Ariarathes VII, ’n seun van Ariarathes VI, op die troon geplaas het.
