Arkona (Russiese musiekgroep)

Arkona (Russies: Аркона) is 'n Russiese folk metal- en pagan metal-groep wat in 2002 in Moskou gestig is. Die groep se naam is 'n verwysing na 'n Slawiese heiligdom op die Duitse eiland Rügen, die sogenaamde Jaromarsburg, geleë by Kaap Arkona.

Arkona • Аркона
Arkona tydens die Wacken Open Air-musiekfees 2018 in Wacken, Sleeswyk-Holstein, Duitsland
Agtergrondinligting
Oorsprong	Moskou, Russiese Federasie
Genres	Folk metal, pagan metal
Jare aktief	2002 - hede
Etikette	Sound Age, Napalm
Webwerf	http://www.arkona-russia.com
Lede	Maria «Masja» Archipowa Sergei Lazar Roeslan «Knjas» Andrei Isjtsjenko Wladimir «Volk» Wladimir Tsjerepofski

Musiekstyl

Met hul liedtekste, waarmee geen politieke boodskap oorgedra word nie, fokus Arkona grotendeels op Slawiese geskiedenis. Vir hul komposisies, waarin - naas hoofsangeres Masja Archipowa se veelsydige sangkuns - fluitklanke oorheers, vind die groepslede inspirasie in tradisionele Russiese musiek. Op Arkona se vroeë ateljee-albums is vir Russiese melodieë dikwels klawerborde gebruik. Eers later het die groep begin om tradisionele instrumente te speel.

Geskiedenis

In 2002 het twee lede van 'n Russiese heidense gemeenskap, Vjatichi, Masja Archipowa en Alexander Koroljof, besluit om 'n musiekgroep te stig wat hul filosofie, geloofsoortuigings en musikale smaak sou weerspieël. Aanvanklik het die groep - met Masja Archipowa (stem), Jefgeni Kniazef (kitaar), Jefgeni Borzof (baskitaar), Ilja Bogatirjof (kitaar), Alexander Koroljof (slagwerk) en Olga Loginowa (klawerbord) as stigtingslede - as Hyperborea bekend gestaan.

Eksterne skakels

Media

• YouTube.com - Napalm Records: Arkona - Slav'sia, Rus'! (Славься, Русь!)