Asaa

Asaa/Aså is aan die ooskus van Noord-Jutlandstreek geleë in Aså-Melholt. Dit is 'n dorpie met 1 201 inwoners (2012) en is geleë in die Brønderslev-munisipaliteit.

Asaa Aså
Die ou poshuis, die ou bioskoop en die ou stasie in Asaa
Asaa
Koördinate: 57°08′53″N 10°24′08″O
Land	Denemarke
Streek	Noord-Jutland
Munisipaliteit	Brønderslev
Bevolking
• Totaal	1 208
Webwerf	[www.broenderslev.dk]

Asaa is 'n klein vissersdorpie by Kattegat, met 'n kenmerkende eilandhawe aan die einde van 'n 450 meter lange dam (gebou in 1896). Dit is ook 'n gewilde vakansieoord vir kampeerders, watersportgeesdriftiges en somervakansiegangers. Vanaf 1914-1968 het die dorp 'n spoorweg Fjerritslev-Frederikshavn asook 'n spoorverbinding genaamd Asaabanen gehad wat kon loop tot in Dronninglund en daarna verder na Aalborg.

Asaa is ongeveer 7 kilometer van Dronninglund, byna 19 van Hals, 24 van Sæby en 39 van Aalborg.

Naam

Die dorpsnaam se herkoms en betekenis is onseker, maar daar is glo 'n verbinding gemaak tussen die Ouddeense "asa" (gis, swel) en "å" (stroom), as beskrywing van die stroom. Die amptelike spelwyse het die gebruik van "å" aanbeveel, maar "aa" is waarskynlik ook toegelaat. Die dorp se naamskrywe word nie spesifiek vermeld in die spelwoordeboek nie. Brønderslev-munisipaliteit gebruik al twee spelvorme, maar meestal met "aa". Post Danmark (die Deense poswese) het reeds in die 1980's Asaa met 'n dubbel-a gespel.

Asaa is ook bekend onder die naam "die Ooskus se pêrel".

'n Straat in Asaa