Aschanska villan
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Aschanska villan (Aschanska villa) is 'n gebou in Umeå in die provinsie Västerbottens län in Swede.
Geskiedenis
wysigAschanska villan is deur die argitek Ragnar Östberg ontwerp en in 1906 gebou as verblyf vir kolonel Wilhelm Aschan, wat aan die hoof van die Norrlands Dragonregemente gestaan het en sedert 1901 naby Umeå gevestig was.[1]
Die villa is van hout op 'n voetstuk van natuursteen gebou, met 'n geboë baaivenster en in dieselfde grootse styl as die Scharinska villan. Oorspronklik het die gebou vertikale raamstyle, verdeel in klein blokkies gehad. Die boustyl is "nasionaal romanties" en geboue met hierdie soort solderdakke word aangesien as ikoniese geboue in die middestad van Umeå. Die gebou is op 3 Maart 1980 beskerm as 'n monument (Byggnadsminne).
Achanska villan is op Strandgatan geleë, langs die Umerivier in die sentrum van Umeå. Die huis was in die jare 1942-1990 eiendom van die Umeå Fabriks-och Hantverksförening[2] en word daarom ook die "Handwerkhuis" (Hantverkshuset) genoem. Die huis doen tans diens as 'n woonhuis en 'n restaurant.
Beelde
wysig-
Binnekant omstreeks 1916 -
Buitekant omstreeks 1916
