Aspoestertjie
Aspoestertjie of in Engels, Cinderella,[1] is 'n sprokie deur Charles Perrault. Dit is vir die eerste keer anoniem gepubliseer in Parys in 1697 as Histoires ou contes du temps passé (Stories of verhale van lank gelede), 'n bundel van agt feëverhale deur Perrault.[2][3]
Die storie handel oor 'n mishandelde meisie wat, met die hulp van haar feëpeettante, met 'n pampoenkoets na 'n dansparty reis. Sy vlug teen middernag van die bal en verloor haar glasskoen. 'n Prins wat op haar verlief geraak het, vind haar verlore skoen en gebruik dit om haar op te spoor.
Soortgelyke Europese verhale kan in Bonaventure des Periers's (New Recreations and Joyous Games) (1558) gevind word. Die Broers Grimm se weergawe van Aspoesterjie was "Aschenputtel", in die bundel Children's and Household Tales (1812).
Sprokies soortgelyk aan Aspoestertjie bestaan in Chinese, Indiese, Afrika, Javanese, Australiese en Japannese letter- en volkskunde. Die verhaal is menige keer verwerk vir teater, rolprente, televisie en ander media.[4]