Auļi
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Auḷi is 'n Letlandse folkmusiekgroep wat hom op doedelsak- en trommusiek toespits.[1] Die groep is in 2003 gestig en het tans tien lede — nege Letlandse mans en een vroulike musikant uit Estland.
Auļi | |
|---|---|
| Oorsprong | Letland |
| Genres | Folkmusiek |
| Instrumente | Doedelsakke, tromme |
| Jare aktief | 2003 – hede |
| Etikette | Lauska |
| Assosiasies | Tautumeitas |
| Webwerf | www |
Die groep se naam het twee betekenisse in Lets — enersyds "galop" ('n verwysing na die tromme se ritme), andersyds "byekorwe op 'n boom" (die gesoem van bye of hommels).
Auḷi is tans die enigste groep in Letland wat tradisionele doedelsak- en trommemusiek speel en ontwikkel. Alhoewel daar verwysings na hierdie soort volksmusiek in historiese Letlandse tekste voorkom, is daar min oorlewerings ten opsigte van inheemse doedelsak- en trommusiek. Auḷi laat dié musiek op 'n kreatiewe manier herleef en maak tydens konserte ook gebruik van tradisionele Baltiese perkussie-instrumente soos ģīga, Joodse harp, simbale en ghonge.
Diskografie
wysig- Sendzirdēju (2005)
- Auļos... (2007)
- Etnotranss (2010)
- Dižducis (2013)
- Gadalokos (2016)
- Senču balsis (2019)
- Voices of the Ancestors (Live, 2019)
- Alŝvangas Dūdu Meldiņŝ (2020)
Verwysings
wysig- ↑ "auli.lv: The Group. Besoek op 1 Mei 2015". Geargiveer vanaf die oorspronklike op 27 Junie 2015. Besoek op 1 Mei 2015.
Eksterne skakels
wysig- Media