August Oetker

Dr. August Oetker (1862–1918) was 'n Duitse uitvinder van bakpoeier.

August Oetker
Gebore	August Oetker 6 Januarie 1862 Obernkirchen, Duitsland
Sterf	10 Januarie 1918 Bielefeld, Duitsland
Nasionaliteit	Duitsland
Bekend vir	Uitvinder van bakpoeier
Eggenoot	Caroline Oetker
Kinders	Rudolf
Ouer(s)	August Adolph Oetker (vader), Bertha Oetker (moeder)

Beroep

In 1891 het Oetker die Aschoffsche Apotheke in Bielefeld gekoop en 'n bakmiddel ontwikkel. Die bakmiddel is ontwerp om 'n suksesvolle bakproses te verseker. Voor Oetker het Justus von Liebig en sy Amerikaanse student, Eben Horsford, reeds bakpoeier ontdek. Oetker het privaat huishoudings geteiken, terwyl Horsford se teikenmark bakkerye was.

Oetker se patentaansoek

Van 1893 het hy sy uitvindsel onder die naam Backin bemark, waardeur die fondasie van sy maatskappy, genaamd Oetker-Gruppe, gelê is. Die maatskappy gebruik steeds dieselfde resep vir die vervaardiging van bakpoeier. Op 21 September 1903 het Oetker aansoek gedoen vir 'n patent vir sy proses vir die vervaardiging van 'n houbare bakpoeier of "gereed om te bak"-meel.

Slagspreuk: "Ein heller Kopf nimmt stets Oetker" ("'n Slimkop gebruik altyd Oetker").

Eksterne skakels

• Oetker.com — Amptelike webwerf van Dr. Oetker se maatskappy;