August Rush
August Rush is 'n 2007-drama waaragter die regie deur Kirsten Sheridan behartig is en wat deur Nick Castle, James V. Hart, Kirsten Sheridan en Paul Castro geskryf is. Die film word Richard B. Lewis geproduseer. Die film is op 21 November 2007 in die VK vrygestel. August Rush speel af in New York se Washington Square Park en het sprokie-elemente.
| August Rush | |
|---|---|
| Regisseur | Kirsten Sheridan |
| Produksieleier | Richard Barton Lewis |
| Draaiboek | Nick Castle James V. Hart Paul Castro |
| Met | Freddie Highmore Keri Russell Jonathan Rhys Meyers Robin Williams Terrence Howard William Sadler Alex O'Loughlin |
| Musiek deur | Mark Mancina |
| Kinematografie | John Mathieson |
| Redigeerder | William Steinkamp |
| Verspreider | Warner Bros. |
| Uitgereik | 21 November 2007 |
| Speeltyd | 114 min |
| Land | Verenigde State |
| Taal | Engels |
| Begroting | VS$ 25 miljoen (geskat) |
| Bruto wins | VS$ 66,121,062[1] |
| Amptelike webtuiste | |
| IMDb-profiel | |
Storielyn wysig
Pretbederwerswaarskuwing: Die storielyn of storie se einde volg hieronder.
'n Seun genaamd Evan Taylor (Freddie Highmore) woon in 'n weeshuis en glo vas dat sy ouers nog lewe. Hy glo sy ouers kommunikeer met hom deur die musiekgeluide wat hy rondom hom hoor. Evan ontmoet 'n berader, Richard Jeffries (Terrence Howard), van die New York Child Services Department. Evan vertel die berader dat hy nie aangeneem wil word nie, omdat hy glo sy ouers steeds lewe.
Deur middel van 'n reeks terugflitse, raak dit bekend dat sy moeder 'n bekende konserttjellis is, genaamd Lyla Novacek (Keri Russel), en sy vader Louis Connelly (Jonathan Rhys Meyers) 'n Ierse kitaarspeler en voorsanger van 'n rock-groep. Sy ouers het een romantiese aand saam gedeel, en mekaar daarna nooit weer gesien nie. Alhoewel Evan nog die heeltyd glo sy ouers wou hom nog altyd vind, vind sy moeder eers onlangs uit dat haar seun lewendig is. Sy gaan gevolglik na New York om vir hom te soek. Sy vader het nog nooit van Lyla vergeet nie, maar is nie bewus van die kind se bestaan nie. Beide ouers het intussen musiek as loopbaan laat vaar.
Evan vind sy weg deur na New York Stad, waar hy 'n man genaamd "Wizard" (Robin Williams) ontmoet wat hom sal huisves. Wizard huisves 'n hele paar wees- en wegloopkinders, en betaal hulle om musiek op straat te speel. Hy vat ook 'n groot porsie van die inkomste wat hulle verdien. Evan blyk onmiddellik 'n musikale kinderwonder te wees. Wizard besluit om Evan ook op straat te laat musiek speel, en gee aan hom die verhoognaam "August Rush", omdat hy glo hy sal onmiddellik terug na die weeshuis gestuur word die oomblik wat sy regte naam bekend word. Ná 'n klopjag deur die polisie, neem Evan skuiling in 'n nabye kerk, waar hy weer eens mense met sy musikale talent beïndruk. Hy word gevolglik by die Juilliard School as "August Rush" ingeskryf. Een van Evan se komposies lewer opslae onder die skoolbestuur en daar word besluit dat dit deur die New York filharmoniese orkes in Central Park opgevoer sal word. Wizard onderbreek egter 'n repitisie, en Evan volg hom onwillig terug na die lewe van musiek op straat speel.
Intussen woon Lyla in New York om vir haar seun te soek, en sy ontdek ook sy identiteit ná 'n besoek aan die einste kinderberader wat haar seun behandel het. Sy besluit om haar musiekloopbaan te hervat, en word gekies om in 'n konsert te speel wat Evan se komposisie bevat. Louis, wat per misverstand glo dat Lyla op trou staan, keer terug na New York om weer by sy voormalige musiekgroep aan te sluit. Hy ontmoet toevallig vir Evan waar hy speel in Washington Square Park, maar beide is onbewus van hul biologiese verbintenis.
Op die nag van die groot konsert, besluit Evan eindelik om van Wizard weg te hardloop om sy konsert te dirigeer. Louis jaag na die park nadat hy die klanke van die konsert hoor asook sy verlore liefde se naam op 'n advertensieplakkaat van die einste konsert sien. Evan dirigeer sy werk, en in die slot draai hy instinktief om om sy vader en moeder hand-in-hand te sien staan, en hy maak uiteindelik die afleiding dat hulle sy ouers is.
Rolverdeling wysig
- Freddie Highmore - August Rush
- Becki Newton - Jenny
- Robin Williams - Towenaar
- Jonathan Rhys Meyers - Louis Connelly
- Terrence Howard - Richard Jeffries
- Keri Russell - Lyla Novacek
- Jamia Simone Nash - Hope
- Bonnie McKee - Lizzy
- Kaki King - August se hande
Bronne wysig
| Hierdie artikel is in sy geheel of gedeeltelik vanuit die Engelse Wikipedia vertaal. |
