Australiëdag
Australiëdag is die amptelike nasionale dag van Australië. Dit word jaarliks op 26 Januarie gevier en herdenk die aankoms van die Eerste Vloot te Sydney Cove in 1788.[1]
Australiëdag is 'n amptelike openbare vakansiedag in al die deelstate en gebiede van Australië. Die toekenning van die Orde van Australië en die Australiër van die Jaar word gewoonlik op hierdie dag gedoen en gaan ook gepaard met 'n rede deur die Eerste Minister van Australië.
Alhoewel die dag eers 'n eeu later as Australiëdag bekend sou staan, is daar vieringe op die 26ste Januarie opgeteken wat tot 1808. Lachlan Macquarie het die eerste amptelike vieringe van die totstandkoming van Nieu-Suid-Wallis gehou in 1818 op hierdie dag. In 2004 het 'n beraamde 7,5 miljoen mense Australiëdag vieringe dwarsoor Australië bygewoon. Daar word ook oral in Australië burgerskap seremonies gehou vir nuwe Australiërs op hierdie dag.
Verwysings
wysig- ↑ (en) "Australia Day – A History". Victoria State Government. Geargiveer vanaf die oorspronklike op 30 Oktober 2009. Besoek op 26 Januarie 2009.