Australiese sluierkat
Die Australiese sluierkat (Engels: Australian Mist) is ’n kortharige katras wat in Australië geskep is.
| Australiese sluierkat | ||||
| ||||
| Alternatiewe naam | Australian Mist Spotted Mist | |||
| Land | Australië | |||
| Ontstaan | Kruisras | |||
| Soort lyf | Gemiddeld | |||
| Pels | Kort | |||
| Patroon | Kolle, strepe, marmerpatroon | |||
| Wetenskaplike naam | ||||
| Felis catus (huiskat) | ||||
| ||||
Geskiedenis
wysigDie ras is van 1976 af deur dr. Truda Straede ontwikkel. Die Birmaanse kat, Abessiniese kat en kortharige huiskatte is gekruisteel om ’n kortharige kat met kolle te skep. Die Engelse naam was eers Spotted Mist, maar is in 1998 verander toe katte met ’n marmerpatroon ook aanvaar is as deel van die ras.
Omdat dit ’n relatief nuwe ras is, is die meeste telers in Australië, maar sedert 2007 word die katte ook in Brittanje geteel. Daar is ook reeds twee telers in Noorweë. Die katte het in 1986 kampioenskapstatus in Australië gekry. Die World Cat Federation (WCF) erken hulle ook en die Governing Council of the Cat Fancy (GCCF) erken hulle voorlopig.
Beskrywing
wysigDie katte is van gemiddelde grootte en het ’n ronde kop en groot, gevoelvolle oë. Die pels se patroon het drie vlakke van definisie:
- Grondkleur: ligter as die patroon
- Patroon: delikaat, dog onderskeibaar van die grondkleur
- Algemene voorkoms: asof die kat ’n wasige sluier dra – dit word geskep deur onreëlmatige merkies op die effekleurige dele. Die bene en stert het ringe of strepe, en die gesig en nek het ook delikate kleurlyne.
Die Australiese sluierkat is as klein katjies lewendig en word later rustiger. Hulle is liefdevol en hou daarvan om binnenshuis te wees. Hulle gee nie om om gehanteer te word nie en krap nie maklik nie, wat hulle die ideale troeteldier maak, selfs vir klein kinders. Hierdie eienskappe is verbeter deur selektiewe teling.[1]
Sien ook
wysigVerwysings
wysigEksterne skakels
wysig- Fanciers Breeder Referral List se beskrywing van die Australiese mist Geargiveer 24 April 2006 op Wayback Machine
- Australiese vereniging Geargiveer 21 Maart 2012 op Wayback Machine
- Britse klub Geargiveer 10 Augustus 2015 op Wayback Machine
Wikimedia Commons het meer media in die kategorie Australiese sluierkat.
Hierdie artikel is vertaal uit die Engelse Wikipedia
