B.B. Comer

Braxton Bragg Comer (* 7 November 1848, † 15 Augustus 1927) was 'n Amerikaanse planter, entrepreneur en Demokratiese politikus wat tussen 1907 en 1911 as 33ste goewerneur van Alabama gedien het en in 1920 as Amerikaanse senator vir dié deelstaat verkies is. Die familie, waarin hy gebore is, was indertyd een van die invloedrykstes en welvarendstes in Alabama.

Braxton Bragg Comer
33ste Goewerneur van Alabama
Ampstermyn 14 Januarie 1907 – 17 Januarie 1911
Voorafgegaan deur	William D. Jelks
Opgevolg deur	Emmet O'Neal
Amerikaanse Senator vir Alabama
Ampstermyn 5 Maart 1920 – 2 November 1920
Voorafgegaan deur	John H. Bankhead
Opgevolg deur	J. Thomas Heflin
Persoonlike besonderhede
Gebore	7 November 1848 Barbour County, Alabama, VSA
Sterf	15 Augustus 1927 Birmingham, Alabama, VSA
Politieke party	Demokratiese Party
Eggenoot/-note	Eva Jane Comer, née Harris
Kind(ers)	Sally Bailey Comer John Fletcher Comer James McDonald Comer Eva Mignon Comer Catherine Comer Braxton Bevelle Comer Eva Comer Braxton Bragg Comer, Jr. Hugh M. Comer
Alma mater	Universiteit van Alabama Universiteit van Georgia Emory and Henry College

As goewerneur het Comer spoorweghervorming teweeggebring en tariewe vir besighede in Alabama verlaag om hulle meer mededingend met hul eweknieë in ander deelstate te maak. Hy het publieke befondsing vir die openbare skoolstelsel verhoog en sodoende die aantal plattelandse en hoërskole in elke distrik van Alabama verhoog, net soos dié deelstaat se geletterheidsyfer.

Naas sy belange in die Comer-familie se mielies- en katoenplantasies, wat oor 30 000 akkers of 120 km² gestrek het, het hy ook belange in die mynboubedryf gehad. Die Comers het hul eie myne, die Eureka Mines, naby Birmingham bedryf. In 1897 het hy saam met die Trainer-familie $10 000 belê om tekstielmeule in Alabama te stig. Hy is as voorsitter van Avondale Mills in Birmingham benoem, 'n pos wat hy tot en met sy afsterwe in 1927 beklee het.