Bruto nasionale produk

(Aangestuur vanaf BNP)

Die bruto nasionale produk (BNP) van 'n land is 'n maatstaf in die Ekonomie van die grootte van dié gebied se ekonomie. In die wêreld het die VSA by verre die grootste BNP. Suid-Afrika het rofweg die twintigste grootste BNP (in 2004) indien 'n mens wisselkoerse teen koopkragpariteit verreken.

Bruto Nasionale Inkomste in Amerikaanse dollar per jaar vir Suid Afrika (Bron:Wêreldbank)

Die bruto nasionale inkomste (BNI) is die totale plaaslike en buitelandse produksie wat deur inwoners van 'n land geëis word, bestaande uit bruto binnelandse produk (BBP), plus inkomste verdien deur buitelandse inwoners, minus inkomste verdien in die binnelandse ekonomie deur nie-inwoners.[1] Die vergelyking van die BNI met die BBP toon aan in watter mate die BBP van 'n land plaaslike of internasionale aktiwiteite verteenwoordig. BNI het BNP geleidelik in internasionale statistieke vervang.[2][3] Alhoewel dit konseptueel identies is, word dit anders bereken.[4]

In 2004 was Suid-Afrika se BNI per capita $3 720. Dit het 'n hoogtepunt van $7 570 in 2012 bereik en het sedertdien afgeneem en 'n laagtepunt van $5 410 in 2017 bereik. In 2019 was dit $6 040.[5] Dit plaas Suid-Afrika in 92de plek uit 192 lande in terme van BNI per capita.

In BNI-terme is die VSA slegs in die 6de plek met $65 760 per capita, terwyl Liechtenstein die hoogste BNI per capita het, $116 430.[5]

BNI en BBPWysig

Terwyl die BBP die markwaarde meet van alle finale goedere en dienste wat in 'n gegewe land geproduseer word, meet BNI die inkomste wat deur die land se burgers gegenereer word, ongeag die geografiese ligging van die inkomste. In baie lande is hierdie twee syfers naby, aangesien die verskil tussen die inkomste wat die land ontvang het en die betalings aan die res van die wêreld nie beduidend is nie. Byvoorbeeld volgens die Wêreldbank was die VSA se BNI in 2016 1,5% hoër as die se BBP.[6]

In ontwikkelende lande, aan die ander kant, kan die verskil aansienlik wees as gevolg van 'n groot hoeveelheid buitelandse hulp en kapitaalinvloei.

VerwysingsWysig

  1. Todaro, M.P. (1994). Economic Development (in Engels). Longman. ISBN 978-0-8013-1081-2. Besoek op 11 Januarie 2021.
  2. World Bank. "GNI, Atlas method". data.worldbank.org (in Engels). Besoek op 11 Januarie 2021.
  3. World Bank. "GNI, PPP (international $)". data.worldbank.org (in Engels). Besoek op 11 Januarie 2021.
  4. "Glossary:Gross national income (GNI)". Eurostat Statistic Explained (in Engels). Eurostat. Besoek op 11 Januarie 2021.
  5. 5,0 5,1 World Bank. "GNI per capita, Atlas method (current US$) - South Africa". Worldbank Data (in Engels). Besoek op 11 Januarie 2021.
  6. "BEA: The World Bank - US figures" (in Engels). the World Bank. 2017.