Bal-en-klou-poot

Die bal-en-klou-poot by meubels (veral stoele, tafels en kaste) was tydens verskeie tydperke gewild.

Vermoed word dat die ontwerp ontstaan het in China. Daar is die poot van ‘n draak wat ‘n pêrel vasklou uit hout gekerf. Dit sou dan verwys na die sterk houvas wat die keiser op sy gewaardeerde onderdane het. In later eeue het dit in die wêreld ontwikkel tot die poot van ‘n leeu of voël wat ‘n bal vashou. Maleise slawe bedrewe as meubelmakers het dit in Suid-Afrika ongevoer. Die kabrioolpoot wat in ‘n bal-en-klou eindig was ‘n gewilde motief in Thomas Chippendale se vroeë werk.