Barwicha

Barwicha (Russies: Барви́ха; Engelse en dikwels ook internasionale spelling: Barvikha) is 'n nedersetting in die Moskou-oblast se Odintsofski-rajon, sowat 30 km wes van Moskou naby die Roeblewo-Oespenski-snelweg (A106) aan die Saminka-rivier geleë, met 'n bevolking van meer as 4 000. Die dorp het in die Sowjettydperk bekendheid verwerf het danksy die luukse staatsdatsja's wat hier vir regeringsamptenare en leidende intellektueles ontstaan het.

In die post-Sowjettydperk is dit in westerse media onder meer verbind met die gelyknamige sanatorium waar die vroeëre president van die Russiese Federasie, Boris Jeltsin, behandel is. Naas die Neogotiese Meyendorff-kasteel^[1], die amptelike gastehuis van die Russiese regering, het hier sedert die laat 1990's luukse datsja's vir sommige van die welvarendste burgers van die Federasie ontstaan.

Barvikha Luxury Village, 'n opspraakwekkende kompleks wat uit die Barvikha Hotel & Spa and Spa Dominique Chenot, 'n konsertsaal en teater (die Mercury-teater^[2]), 'n reeks luukse restaurante, 'n mark vir organiese landbouprodukte en 'n eksklusiewe luukse winkelsentrum met voetgangerlaan bestaan, is deur die Mercury-groep hier opgerig. Die Barvikha Hotel & Spa is lid van die vereniging The Leading Hotels of the World.

Barwicha is naby Roebljofka geleë, die welvarendste westelike voorstad van Moskou. Hier het ook president Wladimir Poetin sy privaat woning.

Spa Dominique Chenot wysig

Die Spa Dominique Chenot is deur die Italiaanse onderneming Antonio Citterio en Vennote as deel van die Barvikha Luxury Village ontwerp en in 2009 20 km wes van Sentraal-Moskou temidde van berkbosse geopen. Vir die spa met 'n oppervlakte van 2 000 vierkante meter is boumateriale soos rooi sederhout en glas gebruik.^[3]

Verwysings wysig

↑ Daar is 'n verskeidenheid Duitse spellings vir hierdie kasteel
↑ Archdaily.com: Luxury Village and Mercury Theatre / Project Meganom. Besoek op 4 Mei 2020
↑ Wallpaper City Guide Moscow. Hersiene uitgawe. London and New York NY: Phaidon Press 2014, bl. 102-103

Eksterne skakels wysig

Kaarte

'n Kaart van die Barvikha Luxury Village met winkels en handelsmerke

[1] Daar is 'n verskeidenheid Duitse spellings vir hierdie kasteel

[2] Archdaily.com: Luxury Village and Mercury Theatre / Project Meganom. Besoek op 4 Mei 2020

[3] Wallpaper City Guide Moscow. Hersiene uitgawe. London and New York NY: Phaidon Press 2014, bl. 102-103

[1]

[2]

[3]