Bento (databasis)

Bento is ’n databasistoepassing vir Mac OS X wat deur FileMaker Inc. gemaak word. Bento verskil effens van die maatskappy se vlagskipproduk, FileMaker Pro deurdat dit erg steun op sjablone en integrasie met ander toepassings. Apple se Adresboek- en iCal-toeps is by verstek by Bento se databronne ingesluit en die data kan vanuit Bento gewysig word. Op 31 Julie 2013 het FileMaker aangekondig dat hy Bento op 30 September 2013 gaan staak.

Bento
Ontwikkelaar	FileMaker Inc.
Aanvanklike vrystelling	13 November 2007
Gestaak	30 September 2013
Nuutste weergawe	4.1.2/ 1 Oktober 2012
Bedryfstelsel	Mac OS X/iOS
Kategorie	Databasis
Lisensie	Eindomsprogrammatuur
Webblad	Amptelike webblad

Versoenbaarheid

Bento is slegs bruikbaar met Mac OS X 10.5 of nuwer weens die program se afhanklikheid van funksieswat nie beskikbaar is in vorige weergawes van die bedryfstelsel nie. Sekere aksies soos wisseling tussen sjablone gebruik Core Animation om die wisseling te animeer. Dit sluit ook integrasie met Time Machine in vir rugsteundoeleindes en iCal 3.0 is nodig om data regstreeks vanuit Bento in iCal te wysig.

Vrystellingskedule

’n Openbare voorskou is met die aanvanklike produkbenedstelling op 13 November 2007 beskikbaar gestel. Die finale weergawe is op 8 Januarie 2008 vrygestel.

Weergawegeskiedenis

Bento Vrystellings

Datum	Weergawe
13 Nov 2007	Bento Openbare Voorskou
8 Jan 2008	Bento v1
14 Okt 2008	Bento v2
29 Sep 2009	Bento v3
16 Mar 2011	Bento v4

Sjabloondeling

’n Bento-sjabloon is ’n voorafgemaakte biblioteek met al die vorms wat nodig is om items katagoliseer binne ’n sekere konteks. Met die vrystelling van Bento 2 op 14 Oktober 2008 kon Bento-gebruikers hul sjablone invoer, uitvoer en deel. Op 16 Junie 2009 het FileMaker sy eie sjabloondelingswebblad op die been gebring waar gebruikers ’n verskeidenheid van sjablone kan aflaai en hul eie sjablone deel. Daat bestaan ook ’n paar soortgelyke websuitstes wat deur gebruikers geskep is.

Kontroversie oor opgradering

Op 14 Oktober 2008 het FileMaker Bento 2.0 vrygestel wat foutregstellings en nuwe funksies bevat het, insluitend integrasie met Apple se Mail-toep. Die nuwe weergawe het nie slegs ’n opgraderingskoste gedra nie maar het soveel soos die eerste weergawe gekos. Baie klante het hul teleurstelling op die amptelike Bento-gebruikersforum bekendgemaak waar FileMaker gereageer het dat hy “dieselfde prysvasstellingsmodel” as die produkte van ander maatskappye, soos Apple se iWork en iLife-pakkette.

Op 25 November het FileMaker ’n persverklaring uitgereik wat aandui dat hulle hersienings en foutregstellings vir die weergawe 1-produk sou staak.

Gegewe belangstelling in hersiening was dit nie ’n vinnige of maklike besluit om te neem nie.

Bento 1 het breedvoerige betatoetsing ondergaan maar soos met elke produk is foute na verskeping opgemerk. Ons het opgevolg met Bento 1.0.2 om kritieke kwessies aan te spreek.

In die aanspreek van produkprobleme wat na 1.0.2 gevind is vir die 2.0-vrystelling, het ons die produk in betekenisvolle en soms argitektoniese wyses bygewerk. Eenvoudig gestel beteken dit dat daar geen manier is waarop die regstellings in 2.0 maklik teruggewerk kan word in 1.0 nie. Ons sou 1.0 moes herontwerp totdat dit effektief 2.0 geword het. Deur dit te doen sou weergawe 2.0.3, wat hierdie week as ’n gratis opdatering vir Bento 2.0.1/2.0.2 vrygestel word, aansienlik vertraag het. Dit sou dus ook die volgehoue ontwikkeling van die hele Bento-produkreeks vertraag het.

Soos op 26 September 2010 kos Bento 3 $49 vir ’n enkele gebruiker en $99 vir ’n gesinspakket met vyf lisensies.

Eksterne skakels

• (en) Amptelike Bento-webblad
• (en) Amptelike Bento-ondersteunignsforums
• (en) Bento-sjablone
• (en) Die BentoUsers-webblad Geargiveer 28 Julie 2015 op Wayback Machine

Hierdie artikel is in sy geheel of gedeeltelik vanuit die Engelse Wikipedia vertaal.