Bespreking:Die Langkloof en die Anglo-Boereoorlog 1901

Versmelt

Kan ons hierdie inligting met die artikel Langkloof versmelt? Groete — Adriaan90 (Bespreking • Bydraes) 13:11, 15 Junie 2009 (UTC)

Dit kan, alhoewel ek nie oorreed genoeg is met die Langkloof artikel dat ek dit self daar sou plaas nie. Maar dit kan. of dit kan onder die artikel Gideon Scheepers kom, dalk selfs die TweedeVryheidsoorlog . Roché Petersen (kontak) 19:09, 15 Junie 2009 (UTC)

Hoe bedoel jy jy's nie oorreed met die Langkloof-artikel nie? Jy kan dit altyd verbeter indien iets kort. Ek dink ek gaan solank hierdie inligting na die Langkloof-artikel skuif - die info is baie spesifiek en val mooi onder die onderwerp (dalk onder subhoof "Geskiedenis") van die Langkloof. 'n Saamgevatte weergawe kan natuurlik ook by Tweede Vryheidsoorlog ingevoeg word, alhoewel ek nie seker is oor die belangrikheid van hierdie aspek van die oorlog in die groter perspektief van gebeure nie. Groete — Adriaan90 (Bespreking • Bydraes) 08:45, 16 Junie 2009 (UTC)

Hi daar. Ek bedoel dat ek nie die Langkloofartikel wil oorskadu deur 'n subartikel wat groter is nie. Ek is 'n Langklower, en sou graag die artikel wil uitbrei, maar ek woon in die Kaap en sal dus baie inligting op algemene kennis skryf daar konkrete ondersoek moeilik sal wees met 600km tussen ons. Joubertina se museum is maar nuut en onpersoonlik, so navorsing daar is 'n karige moontlikheid.

Indien die artikel beter sal werk onder Langkloof, het ek niks daaropteen dat dit daar kom nie. Ek sal ook probeer om in samewerking met ander Langkloofvriende ook hierdie artikel uit te brei. Groetnis Roché Petersen (kontak) 20:22, 16 Junie 2009 (UTC)

Eerstens, baie dankie vir jou bydraes, Roché. Dit lyk werklik spiekeries! Dis nie dikwels dat nuwe gebruikers sommer met die intrapslag sulke volledige artikel (bronnelys en al!) plaas nie, dus 'n groot dankie vir die moeite. Baie oorlogsgebeurtenisse het wel hulle eie bladsye, byvoorbeeld Brandnag behandel 'n insident in Darmstadt tydens die Tweede Wêreldoorlog. Ek sou nie omgegee het dat die artikel hier bly nie, maar dit lyk ook goed in "Langkloof" - veral as jy kans sal sien om daardie artikel uit te brei. Wie weet: miskien word die artikel só lank dat ons tog maar 'n aantal subartikels soos hierdie moet skep. As jy weer huis toe gaan vir 'n kuier, kan jy dit selfs oorweeg om foto's te neem van plekke waar van die insidente plaasgevind het, of so iets. Hoop om nog meer bydraes van jou te sien. Anrie (kontak) 15:17, 17 Junie 2009 (UTC)

Ek het gevoel dat die streekspesifieke geskiedenis beter by die hoofartikel sal pas. Ek het egter nie 'n persoonlike voorkeur nie — as die inligting te veel word vir die konteks van die Langkloof-artikel, sal dit natuurlik in elk geval na 'n subartikel (hierdie een) verskuif moet word. Verskoon as ek te vinnig hier opgetree het! Groete — Adriaan90 (Bespreking • Bydraes) 15:27, 17 Junie 2009 (UTC)