Betsileo
Die Betsileo is die derde grootste etniese groep in Madagaskar, ná die Merina en Betsimisaraka. Hulle bewoon die sentrale plato, van noord van die Maniarivier in die noorde tot aan die voet van die Andringitra-massief in die suide; wes tot by die Bongolava-reeks en oos tot by die Oostelike Woud, wat deur die Tanala-volk bewoon word. Hulle tel sowat 1,5 miljoen,[1] omtrent 12,1% van die algehele bevolking. Hulle het hul naam, wat "Die Baie Onoorwinbares" beteken, gekies ná ’n mislukte inval in die vroeë 19de eeu deur koning Ramitraho van die Menabe-koninkryk.[2][3]
| Betsileo | |
|---|---|
 Betsileo-kinders | |
| Totale bevolking: | Sowat 1,5 miljoen |
| Belangrike bevolkings in: | Madagaskar |
| Taal: | Malgassies |
| Geloofsoortuiging: | |
| Verwante etniese groepe: | Merina, Austronesiërs, ander Malgassiese volke |
Geskiedenis
wysigDie verskillende Betsileo-koninkryke (Fandriana, Fisakana, Manandriana, Isandra, ens.) het onafhanklik van mekaar bestaan met mondelinge tradisies wat terugdateer tot die 17de eeu. Eindelik het koning Radama I van die Merina hulle almal verower en baie van hulle slawe gemaak of as slawe aan Europese slawehandelaars verkoop. Radama het Fianarantsoa die administratiewe hoofstad van die sentrale en suidelike deel van die Betsileo gemaak en die noordelike deel by Antsirabe ingedeel. Die Betsileo as ’n groep het dus in die 19de eeu ontstaan as ’n administratiewe onderverdeling deur die Malgassiese regering.[4]
Verwysings
wysig- ↑ Diagram Group 2013.
- ↑ Bradt & Austin 2007.
- ↑ Ogot 1992.
- ↑ Covell: Madagascar, Politics, Economics and Society. London: Frances Pinter, 1987. Page 12.
Hierdie artikel is vertaal uit die Engelse Wikipedia
Bibliografie
wysig- Bradt, Hilary; Austin, Daniel (2007). Madagascar (9th uitg.). Guilford, CT: The Globe Pequot Press Inc. pp. 113–115. ISBN 1-84162-197-8.
{{cite book}}: Ongeldige|ref=harv(hulp) - Diagram Group (2013). Encyclopedia of African Peoples. San Francisco, CA: Routledge. ISBN 9781135963415.
{{cite book}}: Ongeldige|ref=harv(hulp) - Ogot, Bethwell A. (1992). Africa from the Sixteenth to the Eighteenth Century. Paris: UNESCO. ISBN 9789231017117.
{{cite book}}: Ongeldige|ref=harv(hulp)