Biotiet

Biotiet is 'n groep van trioktaëdriese fillosilikate. Dit word ook swart mika genoem. Dit is rotsvormend en kom in verskeie stollingsgesteentes en metamorfe gesteentes voor. Biotiet vorm 'n reeks mengkristalle tussen de eindlede anniet-flogopiet en siderofilliet-eastoniet.

Biotiet

Sy presiese samestelling kan wissel.

'n Eenvoudige formule kan as K(Mg,Fe)₃AlSi₃O₁₀(OH)₂ weergegee word.

'n Vollediger weergawe is K₂(Mg,Fe²⁺)_6..4(Fe³⁺,Al,Ti)_0..2[Si_6..5Al_2..3O₂₀](OH,F)₄

Kristalstruktuur

Biotiet het 'n monokliniese kristalstruktuur. (Ruimtegroep C2/m #12; eenheidsel: a=538,6 pm; b=932,4 pm; c= 1026,8 pm; β=100,63°). Soos alle fillosilikate het dit 'n gelaagde struktuur. Dit bestaan uit T-O-T-'toebroodjies'. 'n Laag oktaëders O lê tussen twee lae tetraëders T. Die T-lae bestaan uit (Si,Al)₄-tetraëders wat onderling in sesydige ringe verbind is wat oneindig in 2 dimensies strek. Die O-laag is 'n triöktaëdriese brusiet-laag. Elke anioon (O²⁻ of OH⁻) word deur drie oktaëdriese (Mg,Fe)-katione omring. Tussen twee 'toebroodjies' lê 'n laag kaliumione.