Blindemol

Blindemol is 'n speletjie wat deur kinders gespeel word. Een speler word as die "mol" gekies en word geblinddoek. Hy word dan in die rondte gedraai om hom dronk te maak. Die mol moet dan probeer om die ander spelers in die groep te vang. As hy daarin slaag om iemand te vang, moet die persoon doodstil staan sonder om 'n geluid te maak. Die "mol" moet oor sy gesig, hare en klere voel en raai wie voor hom staan. As hy verkeerd raai, moet die persoon wat gevang is 'n geluidjie maak. As die mol reg is, word die gevange speler die nuwe mol. Die spel word gewoonlik in 'n beperkte ruimte soos 'n kamer gespeel.

Kinders speel blindemol.

Sien ook

• Lys van kinderspeletjies

Eksterne skakels

• Wikiwoordeboek het 'n inskrywing vir blindemol.