Bloedbad van Nanjing
Die Bloedbad van Nanjing of Nanjing-bloedbad (Vereenvoudigde Chinees: 南京 大 屠杀; Tradisionele Chinees: 南京 大 屠殺; Pinyin: Nánjīng dà túshā) is 'n grootskaalse massamoord wat die Japannese Imperiale Leër tydens die Tweede Sino-Japannese Oorlog gepleeg het. Die massamoord het begin nadat die Japannese die destydse Chinese hoofstad Nanjing (voorheen ook bekend as Nanking) oorgeneem het op 13 Desember 1937, na 'n beleg. Die gebeurtenis staan ook bekend as die "verkragting van Nanjing". Dit is moeilik om 'n einde aan te dui, maar die slagting is ten minste tot die begin Februarie 1938 voortgesit.
Tydens die besetting van Nanjing het die Japannese keiserlike leër talle misdade gepleeg soos verkragtings, plundering, brandstigting en moord op gevangenes en burgerlikes. Alhoewel die teregstellings begin het met die verskoning om Chinese soldate wat as burgerlikes geklee was, uit te skakel, was daar baie slagoffers onder die burgerlike bevolking. Baie mans is doelbewus verkeerd geïdentifiseer as soldate, en sodra die moorde begin het, is mense lukraak doodgemaak. As gevolg daarvan het talle vroue en kinders slagoffers geword.
Die onderwerp self en die skaal waarop die moorde plaasgevind het, is steeds die onderwerp van 'n hewige debat tussen Japan en die Volksrepubliek China. In China word die aantal burgerlike slagoffers geskat op 300 000.[1] Japannese ramings wissel van 100 000 tot 200 000.[2] Party ekstremiste beweer selfs dat slegs 'n paar honderd burgerlikes vermoor is of dat geen bloedbad plaasgevind het nie.[3]
Oor die algemeen erken die Westerse lande die skatting van 300 000 sterftes.[4] Dit is deels te wyte aan ooggetuie-verslae en bewaarde fotos en argeologiese navorsing. Op grond hiervan het die Tokio-proses die massamoord as bewys beskou. Die sukses van Iris Chang se "Rape of Nanking" het die bewussyn van die bloedbad in die Weste versterk en die skatting van 300 000 sterftes. Besprekings oor die massamoord veroorsaak steeds spanning in die verhouding tussen Japan en China.
Verwysings wysig
- ↑ "Why the past still separates China and Japan" Robert Marquand (20 Augustus 2001) Christian Science Monitor. States an estimate of 300,000 dead
- ↑ KASAHARA Tokushi states "more than 100,000 and close to 200,000, or maybe more", referring to his own book Nankin jiken Iwanami shinsho (FUJIWARA Akira (editor) Nankin jiken o dou miruka 1998 Aoki shoten, ISBN 4-250-98016-2, p. 18). This estimation includes the surrounding area outside of the city of Nanking, which is objected by a Chinese researcher (the same book, p. 146). HORA Tomio concludes "more than 200,000" in his book (Nankin jiken o dou miruka p. 123, YOSHIDA Hiroshi Tennou no guntai to Nankin jiken 1998 Aoki shoten, ISBN 4-250-98019-7, p. 160). HORA Tomio writes 50,000 – 100,000 (TANAKA Masaaki What Really Happened in Nanking 2000 Sekai Shuppan, Inc. http://www.sdh-fact.com/ ISBN 4-916079-07-8, p. 5).
- ↑ TANAKA Masaaki claims that very few citizens were killed, and that the massacre is in fact a fabrication in his book "Nankin gyakusatsu" no kyokÙ (The "Nanking Massacre" as Fabrication) http://www.ne.jp/asahi/unko/tamezou/nankin/whatreally/index.html
- ↑ Based on the Nanking war crimes trial verdict (incl. 190,000 mass slaughter deaths and 150,000 individual killings) 10 Maart 1947
| Hierdie artikel is in sy geheel of gedeeltelik vanuit die Nederlandse Wikipedia vertaal. |
