Bloeding
Bloeding is die verlies van bloed uit 'n lewende liggaam. Die mediese term hiervoor is hemorragie. Dit kom voor as die bloedvate sodanig beskadig is, dat bloed daaruit ontsnap.[1]
| Bloeding | ||
| Klassifikasie en eksterne bronne | ||
| ||
| Vinger wat bloei, 'n voorbeeld van uitwendige bloeding. | ||
| ICD-10 | R58 | |
| MedlinePlus | 000045 | |
| MeSH | D006470 | |
 Mediese waarskuwing
| ||
Bloeding kan inwendig plaasvind, waar die bloed uit bloedvate in die liggaam lek, of uitwendig, hetsy deur 'n onderbreking in die vel, of deur 'n natuurlike opening soos die mond, neus of oor.
Skielike en ernstige bloeding kan tot skok lei en kan selfs noodlottig wees. Vinnige mediese ingryping is nodig. Langdurige, selfs geringe, bloedverlies lei gewoonlik tot bloedarmoede as die ystervoorraad van die liggaam opraak, en hemoglobien (bloedkleurstof) nie meer geskep kan word nie.
'n Gesonde persoon kan 10% tot 15% van sy totale volume bloed sonder ernstige mediese probleme verloor. Tydens bloedskenking word ongeveer 8% tot 10% van die skenker se bloed getrek.[2]
Verwysings
wysig- ↑ "Bleeding Health Article" (in Engels). Healthline. Geargiveer vanaf die oorspronklike op 4 September 2012. Besoek op 18 Junie 2007.
- ↑ "Blood Donation Information" (in Engels). UK National Blood Service. Geargiveer vanaf die oorspronklike op 23 September 2015. Besoek op 18 Junie 2007.
Eksterne skakels
wysig
Wikimedia Commons het meer media in die kategorie Bloeding.
